حلوة بالفلان كتجي هشيشة و لذيذة و اقتصادية

*المقادير

-120g زبدة لينة
-100g سكر
-100g لوز محمر ومطحون جيدا
-1 فلان أنا عملت كراميل
-كيس سكر الفاني
-كيس خميرة الحلوة 7g
-بيضة
-الطحين حسب الحاجة

*كريم لي نلصق بيه الحلوة

-50g زبدة
-100g سكر صقيل
-ملعقة كبيرة شكلاط غبرة
-شكلاط أسود وابيض للتزين
-لوز أو كاوكاو مهرمش

*الطريقة

-نجمع كل العناصر حتى نحصل على عجين رطب نبسط العجين فوق طاولة العمل نقطع على شكل دوائر نعملها في صينية ندخلها الفرن حتى تتحمر و نتركها تبرد
-نحضر الكريم نخلط الزبدة حتى تولي كريم نزيد عليها السكر والشكلاط غبرة
-نلصق وحدة مع وحدة بالكريم ونعمل الجوانب في اللوز مهرمش ونزين الوجه بالشكلاط الأبيض ونعمل خطوط بالشكلاط الأسود وبواسطة السكين نزين مثل طريقة الملفاي وندخلها التلاجة حتى تجمد الشكلاط وبالصحة والراحة