حصريا….صباغتي الطبيعية باللون البني الشكلاطي…نااااجحة و رااائعة مع براءة الاختراع

السلام عليكن هاهي الوصفة اللي قلتكوم صبغت بيها وبما اني عاودت شريت المقادير باش تشوفوهم غادي نعاودها ان شاء الله ملي يقرب لي وحد الحضور حيت هي كتعطي لمعان للشعر

يالله بلا كترة الكلام ………اه نذكر الاخوات اللي مشفوش الموضوع الاخر باللي اللون كيجي بني شوكولاتي ..

الاخوات انا الوصفة عملتها دابا 2 مرا ت وباقي نعاود المرة 3 من دابا شي 15 يوم وكل مرة كنحصل على اللون نفسوا ولكن واضح اكثر ولمعان اكثر ….
و هي من مجهودي الشخصي يعني غير من راسي قريت على كل المكونات فعدة وصفات وخرجت بهاد الخلاصة
المهم باش نكونو واضحين انا عملتها وشعري طبيعي مفيه لا صبغة ولا ميش ولا حنة واللون الاصلي اسود
يعني من الاحسن باش تحصلو على النتيجة تراعيو هاد الشروط
انا شعري حتى نالخصر تقريبا …قولو تبارك الله …..واللي شعرها قصير فوق الكتف من كل حاجة تعمل غير نصف المقدار
يالله على بركة الله …

الوصفة .

 

مقادير ..رقم 1

250 غرام شوكولاته مرة الخاصة بتزين الحلويات
150 شوكولاته مرة بودره
علبة نسكافيه..كلاسيك.. صغيرة وزن50 غرام
3 ملاعق كبيرة من القهوة العادية نضيف لهم كاس ماء كبير ونعصروها فالعصاره دالقهوة

مقادير رقم 2

2 ملاعق صغارين خل عادي ديال السلطة…….علبة لمنتوج طبيعي صناعي اسمه manzanilla oro انا شريتو من اسبانيا وحتى فالمغرب راه موجود هادا كيفتح لون دالشعر وخا غير بوحدو ولكن خصو وقت طويل على حسب لون
شعرك

الطريقة

ناخد الشوكولاته المرة ونحكها في الحكاكة …ثم نغربلوا الشوكولاته البودره والنسكافيه في مصفاة رقيقة
ونضيف عليهم نصف كمية القهوة المعصرة … حتى الحصول على كريمة الشكولاته ممممممم كتشهي
نخلطو الخليط جيدا وثم نضيف مقدار الخل … ونصف علبة المحلول السابق ذكره manzanilla oro
نخليه يترقد شي ساعة حتى لساعة و45 دقيقة
ثم نقسم الشعر عادي فحال اذا كنصبغ وتعملي فالجدور الاول ونتي غاديا ومن بعد دهني الشعر كلو وجمعيه بملقط وخليه عملي بونيه ديال الراس وخليها النهار كلو هههههه هادي الحاجة اللي فيها خايبة هي الوقت طويل ولكن ماشي مشكل النتيجة تنسيك
ومن الاحسن ادا كان عندك بالكون تدخل ليه الشمس جلسي فيه وحيدي الغطا من راسك وخليها تشمش
ملي يدوز الوقت المطلوب غسليها غير بالماء النهار الاول ..
وحتى النهار التالي عاد غسلي بشمبوان و….
حاجة اخرى باش نكون صريحة معاكم قلتكم كتطلب الوقت طويل وكذلك كتبقا فيك ريحة الشكلاط والنسكافي والقهوة
.. وعندي الحل ملي تغسلي النهار الثاني بالشمبوان غادي تبقا الريحة انا حكيت شوية دالمسك وخلطت معاه شويه دالعطور والعود ديال الحج ودهنتوم فشعري مزيان فحا ل الزيت وعاد عملت السيشواروصافي وبالصحة والسلامة عليكم
والموضوع حصري جدا لاناقة مغربية وغادي نبقا نحاول حتى نزلكم الصور
اان شاء الله واللي جربت تردلي الخبار

ملاحظة

غادي تبقا نصف العلبه دهداك المحلول من بعد متغسلي الشعر النهار 2 بقاي مرة مرة ترشيه فشعرك وتعرضي للشمس ادا بغيتي اللون يزيد يظهر اكثر
والسلام عليكن
قد يعجبك ايضا
اترك تعليقا