حصريا…أسرار اللذة ديال الرفيسة و الدجاج المدغمر و أطباق أخرى من عند طباخة محترفة

حصريا…أسرار اللذة ديال الرفيسة و الدجاج المدغمر و أطباق أخرى من عند المحترفات:

1باش الرفيسة تجي بنينة زيدي فيها كركوبة ديال الثومة بلا متقشريها كتعطيها لدة هائلة.
2ءملي نطيبو الدجاج محمر وباش المرقة تجي معسلة ومدغمرة زيدي قطرات الخل فالطنجرة ونتي كتحكي قاع الطنجرة بمغرفة العود متجي المرقة معلكة وغزالة .
3ءملي نبغو نطيبو اللوبيا البيضا نضيفو 3 وريقات ازير كتجي لديدة ومكضرش مالين المعدة .
4ء ملي كنكون كنطيب المسمن او الملوي ديال المقلة فقط المرة الاولى فاش كنرش المقلة بالزيت وغي نرمي المسمنة نرشها ونقلبه ونبقا نقلب ونشقلب هدا هو السر باش كيجي مورق ومحلول وناشفة من الايدام كيجي غزال ولديد
5ء ملي نكون نقلي الحوت كندوزو فالطحين وفالما باش ميطلقش الطحين فالزيت.
6ءباش الكيك ميلصقش لينا كندهن المول بالزيت والطحين وندخلو للكونجلاتور عاد نحضر الكيكة ملي كطيب ونزولها كيبقى المول نقي ومفيه حتى فرتيتة ومرات الى كانت الكيكة ديالي عادية كندهن المول بالزيت ونرش الكوك مطحون فبلاصة الطحين ملي كطيب الكيكة كيتحمر داك لكوك وكيعطيني نسمة غزالة اما الى كانت الكيكة ديالي كحلة كندهن المول ونرش الكاكاو باش متجينيش الكيكة شهبة من التحت.
7ء وإلا بغيت الكيكة تجيني خفيفة بحال ديال الجنواز كنزيد فالخليط كاس ما سخون ونا كنطرب كتجي هشيشة وعالية وخ كندير فيها غي 2 بيضات والدقيق ضروري مغربل 2 مرات وكندخلها لفران بارد كتجي روعة.
8ألحريرة الى بغيتي يشموها الجيران ولكن عنداك مدوقيهمش ههههه ديري مع القوام للي موالفة راس معلقة صغيرة ديال الكمون وراس معلقة صغيرة ديال القرفة متكتريش كتجي روعة ومداق لديد.
9أدا بغيتو الكريصات او اي معجنات يجيو بحال القطن يعني رطبين خلي العجين تخمر و فين ما تبان ليك طلعات هبطيها بايدك و هكدا شي ثلاتة المرات و في الأخير خليها تخمر شوية و شكليها عاد خليها تخمر تاني و دخليها الفرن كيجيو هائلين.
10ء ملي نبغي نغسل الدجاج باش نحيد كاع الدم للي كيكون فالجوف ديال الدجاجة كنرقدها فالما والهريسة تكون شوي كتيرة ونخليها واحد المدة حتى كطلق كاع الريوك ومن بعد نحكها بالملحة والحامض وسكنجبير كتولي كتشعل.
11ء باش تجي الماكلة بنينة كنزيد معلقة ديال الهريسة فاللحم والدجاج وسكسو.
12ء وهدي للي حمقاتني كنعمل فقرعة الهريسة حتى لنص ونكمل عليها فالزيت البلدية وندير القرعة فالبان ماري على عافية مهيلة مدة نص ساعة كل نهار مدة 3 ايام ملي نكمل 3 ايام نخبي القرعة 7 ايام فمكان مظلم ونبقى من بعد ندير بيها مساج صالحة للبرد فالمفاصل والروماتيزم ..