حريشات هشاش و لذاذ واقتصاديين
نقترح عليك سيدتي وصفة حريشات هشاش و لذاذ و اقتصاديين
المقادير
500 غرام سميدة رقيقة
100 غام دقيق فورص
40 غرام سنيدة
معلقة صغيرة ملح
2 خمارات
30 غرام خميرة العجين دايبة ف شوية الحليب
100 غرام الزبدة دايبة
نصف كاس زيت
حليب دافئ
الطريقة
كنجمعو كل المقادير إلا لحليب و كنبسبسوها مزيان و كندوزوها ف الغربال و نجمعوها بالحليب و نخليوها حتى تشرب مزياااان… نعملو منها كويرات و نرملوهم بالسميده رقيقة و نگرصوهم بمساعده القالب الخاص غير باش تجي زوينة ف الشكل نجيروهم فوق المقلة تقيله على نار متوسطة تكون مقلة سخونه من قبل و نطيبوهم من الجهتين كل جهة تقريبا 5 دقائق خاص حتا تشد ف راسها عاد نقلبوها بالمعاقة الخشبية و بشوية حيت هشيشة بزاف و بالصحة و الراحة
ملاحظة : هاد المقادير فقط ديال الحريشات صغار الا درتوها كبيرة غادي تفرتت