جربي هاد الغريبة الاقتصادية كتجي معلكة ولذيييذة متشبعيش منها

المقادير :

500غ كاوكاو مصهد فالفران بقشورو ومطحون (ماشي محمر)
500غ كوك مطحون
400غ سنيدة
3 معالق كبار كاكاو المهم على حسب اللون لي بغيتي
2 خمارات
3 الى 4 بيضات
ماء الزهر
سكر كلاصي سبيسيال للتفناد

طريقة التحضير :

كتخلطي جميع المقادير و تجمعي بالبيض
كدهني يديك بماء زهر و تعملي كويرات وتفنديهم في سكر كلاصي لي مخلط معاه شوية خميرة الحلوى

يكون الفران سخون شوية وشعلي غير الفوق على نار مهيلة حتا تشقق مزيان عاد شعلي التحت شي 2 دقايق
المهم على حساب فرانكم ومكتفوتش 15 دقيقة فالطياب
ردو البال طلقو عليها الفران ويتحمر ليكم السكر
كيولي مقرمش المهم متخليوهاش بزاف

ملي طيب خليها فالطاوة حتا تبرد مزيان عاد حيدوها.