جربي طريقتي فتحضير السلطة و غتشوفي الفرق بنفسك!!! نتحداك مترجعش طريقتك المعتادة

السلام عليكم و رحمة الله و بركاته،

الموضوع ليس فيه شيء خارق للعادة و انما هو بغرض الافادة ربما هناك من فاته هذا الامر.

على العموم اللي بغيت نقول هو انه بعض الناس ملي تتصايب شي سلطة تتاخذ التوابل و ترشهم

فوق السلطة مباشرة و في كثير من الاحيان هذه الطريقة ما تتخليش التوابل تتجانس مع بعضها فتتجي

السلطة باسلة و المذاق ديالها موضر فشي بلاد.

المهم الطريقة السليمة هي انك تاخدي زليفة صغيرة تتبداي اول حاجة تتحطي التوابل

(مثلا: ملح – بزار) تتبعيه بالخل – المايونيز و تتبداي تخلطي عاد

اخر حاجة تتزيدي نقيطة ديال زيت الزيتون. دبا ما تيبقى غير تخلطي لاصوص فالسلطة و الطريقة

الصحيحة فالتخلاط مشي باتجاه عقارب الساعة و انما تاخذي جوج معالق كبار و تبداي تهزي الخضر

(السلطة) من لتحت للفوق و هكذا حتى تخلطيها مزيان. من الاحسن يكون الاناء كبير باش تعذبيش

فاش تكوني تتخلطيها.

فائدة اخرى ديال هاد الطريقة فالتخلاط انك ما تتمعسيش الطماطم و الخضر و تتبقى تتبان طازجة مشي

بحال الا مصايباها من الاسبوع اللي فات هههههه.