جربت وصفة مفعولها أقوى من الكيراتين مغاديش تعقلي شعرك

فالصراحة شعري حرير ومنوياش نديرلو هادشي عوتاني حيت درتو فالصيف من بعد الصبايغ ديال داك العام شعري ولا حالتو وباهت ولونو وخرجت عليه بالمعقول بالاخص وحد الوضفة ديال الديكاباج . المهم من شهر 7 وهو حرير هاد الوصفة كنت درتها مرة وحدة بحال الا كنت نكدب . واخا تكلسي تديري بروشينك ميوليليكش زوين .هاد الوصفة غتهنيك من لبروشينك ومن ترطيبات ومن الزيوت ومن لحروشية .غيولي شعرك بحال الا كنتي تكدبي وغادي تبقاي فرحانة وخا يكون شعرك مصبوغ غادي يرطاب . وجدو ورقة وستيلو .

المقادير

لافوكا وحدة
كاس ديال زيت الزيتون البلدية الحرة
بيضة بلدية
دانون مسوس

الطريقة

نديرو كلشي فمونينيكس وندهنو خصلة بخصلة وخليه نهار كامل يعني نودي بكري وديريها خليها شي 8 او 9 او اكثر وغسليها وردي عليا لخبار راه من اول استعمال والله العظيم . هاد الوصفة راها كيراتين طبيعي كتحيد التقصف الحروشية النشوفية وكتعطيط لمعان وحيوية وكتقويه وغيوليو ناس يسولوك اش كديري اوا تحزمو ونودو تزيانو
راه الزين ف الطبيعة وحنا هاملينو . الله عطانا جميع الادوية .حتى الدرويش من حقو يتمتع بالجمال .

قد يعجبك ايضا
اترك تعليقا