جديييييد…حلوة الكوكياجة بثلاث نكهات…رااائعة

تحضير حلوة الكوكياجة بثلاث نكهات

المقادير:
250غ بودرة اللوز
125غ سنيدة
50غ زبدة بوماد
وماء الزهر لجمع العجين
50غ اناناس مجفف
50 غ فريز مجفف
50غ كيوي مجفف
الطريقة:
تنطحنو اللوز مع سنيدة تم تنضيفو الزبدة ونخدمو الكل مزيان
تنرطبو الفواكه المجففة في الماء وتنقطعوها
تنقسمو خليط اللوز على 3 وكل ثلث تنطحنوه مع فاكهة تم تنضيفو ماء الزهر حسب الخليط للحصول على عقدة متماسكة .تنسرحوها بين 2 ورق المطبخ ونطبعوها بطابعظ الكوكياجة الحجم الكبير وتنستفوها في لاطة مغلفة بورق المطبخ ونذخلوها لفرن ساخن على نار متوسطة حوالي 10 دقائق ملي تتخرج تنخليوها تبرد عاد نزينوها بعجين اللوز
للتزيين:
400غ عحين اللوز تنقسموها على 3 التلت تنخليوه ابيض والباقي بدوره تنقسموه على 3 كل ثلت تنضيفو له النكهة المناسبة اي نكهة الفريز والتاني نكهة الاناناس والثالث نكهة الكيوي ( وفي حالة محصلناش على اللون تنضيغو الملون بودرة انا ضفت شوية الملونات على العجين الاصفر والاحمر والاخضر)
تنسرحو العجين وسط 2 ورق المطبخ ونطبعوها بطابع الكوكياجة الحجم الكبير وتنوضعوها فوق الحلوة تم تنسرحو العجين الابيض تنقطعوه بطابع صغير وهو بدورو تنوضعوه فوق العجين الملون ونزينو بعقيق فضي