جديد..طاجين اللحم بالملوخية كيجي بنين بزاف جربيه ومغتندميش

عاشقات الملوخية أبشرن، مجلتكم “يا لالة” جات وجابت ليك الجديد، وكتقدم ليك طريقة عمل طاجين اللحم بالملوخية اللذيذ وأكيد غيعجبك بزاف، فبلا مترددي وجربيه.

المكونات

لحم البكري حسب عدد الاشخاص
الملوخية منقية و مغسولة مزيان و مستقطرة
بصلة أو جوج
قطع من ماطيشة
زيت الزيتون
القزبر
العطرية: راس الحانوت، التحميرة، الابزار، الكامون، الملح، الخرقوم، شوية الثومة

الطريقة

تنجمع العطرية بقليل من الماء و زيت العود ثم تنرقد فيها اللحم قليلا .
من بعد تنقطع البصل ثم تنوضعو في الطاجين ، تنوضع فيه اللحم أو تنقليها واحد شوية ثم نزيد واحد ربع كاس الماء و نخليه يطيب واحد قسمين.
من بعد تنشد الملوخية ونستفها في الطاجين كيما في الصورة من بعد مارشيت عليها شوية الملحة ثم تنشد خلطة العطرية للي تباقت من ترقاد اللحم نزيد عليها نصف كاس من الماء السخون ثم نقوم بصبها على الملوخية.
من بعد تنثر شوية القزبر فوقها و تنضيف 3 معالق كبار تاع زيت الزيتون.
و نزوق شوية بقطع ماطيشة و نسد على الطاجين و نخليوه تقريبا نصف ساعة إلى كانت الملوخية طرية و صغيرة و ها الطاجين واجد
نخليكم مع الصور