بسطيلة راقية ديال الدجاج بالعسل الحر وكريمة البغاليني بدون سكر

إليك يا لالة طريقة جديدة لتحضير بسطيلة بدون سكر تتجي رائعة في المذاق وتتحمر الوجه قدام الضياف وتتصلاح للناس اللي عندهم مرض السكري ومحرومين من اكل البسطيلة بسبب السكر.

المقادير
2 دجاجات كبار
2 كيلو بصلة بيضاء مقطعة رقيقة
كيلو لوز مصلوق ومحمر ومدردش
زلافة ربيع
3 اعواد قرفة
4 دروس توم محكوك
ربع حامضة مصيرة فقط اللب
ملعقة ونصف كبيرة سكينجبير
ملعقة ونصف كبيرة خرقوم بلدي
نصف ملعقة صغيرة بزار
نصف ملعقة صغيرة توابل المروزية
قليل من المسكة مدقوقة
زعفران حر مدقوق
قرفة مدقوقة
ملعقة ماء الزهر
ملح
زبدة
زيت

العسل الكافي ( او سكر كلاصي في حالة مستعملناش العسل )
750غ ورقة تقريبا للف البسطيلة وللتزيين
لوز افيلي محمر للتزيين
المرحلة الاولى : الدجاج
تنقيو الدجاج ونغسلوه بالملح والحامض نخليه على الاقل يومين في المجمد باش يرطاب، وتنجبدوه ونخليوه يطلق من التلج نهائيا ونشرملوه :
تنخلطو الربيع مع الثوم ولب الحامض والملح والبزار وسكينجبير والخرقوم مع نصف كاس من الماء ونشرملو الدجاج نخليوه على الاقل 3 ساعات يشرب ليقامة تم تنردوه يطيب على نار مهيييلة بدون اضافة الماء فقط تنضيفو حوالي نصف كاس من الزيت والزعفران تنخليوه يطيب مع التحريك المستمر ملي تيطيب وتيتشحر نخليوه يتقلى في الدغميرة مزيان تنزولوه جانبا يبرد ونضيف البصل الى هذا الخليط مع توابل المروزية بدون اضافة الماء نغطيو الطنجرة ونراقبو البصل الى نشف من الماء وهو مزال ماطاب تنضيفوةغير شوية ديال الماء ملي تيطيب البصل تنضيف العسل الكافي والقرفة والمسكة مدقوقة وملعقة ماء الزهر والبغاليني ونخلط مزيااانمع التحراك المستمر حتى تتعسل البصل وينشف نهائيا من السوائل.
في حالة بغيت نضيف البيض للبسطيلة (انا هنا درتها بدون بيض) تنصفي شوية منىالمرق ديال البصلة قبل اضافة مواد التعسال وتنضيف عليها البيض مضرب بالملعقة وتنطيبو.
البغاليني بالعسل الحر
هنا خدمت البغاليني بالعسل خديت مقدار 50غ من العسل درتها فوق النار تتغلي حتى ولى العسل فحال الكراميل ضفت ليه اللوز محمر خلطتهم مزياان خويتهم فوق ورق السولفيريزي ملي بردو طحنتهم حتى ولى بغاليني.

الطريقة

في لاطة دائرية تنفرش اولا ورق السولفيريوي باش يسهل عليا ازالة البسطيلة من المول تم تنبا في وضع اوراق البسطيلة المذهونة بالزبدة والزيت بالتتابع واحدة في جنب الاخرى تم تنوضع واحدة في الوسط تندهنهم بخليط من العسل والزبدة والقرفة ( او في حالة كنت غادية نحلي البسطيلة بالسكر تندردر بخليط من السكر والقرفة ) تم تنوضع اللوز كطبقة اولى .
خليطةاللوز :
تنحمر اللوز ونطحنو مدردش تنضيف القرفة والعسل ونخلط مزيان ونقسمو على 2 ونعمر بيه اول طبقة واخر طبقة
الطبقة التانية الدجاح مقطع رقيق والطبقة التالتة بصل معسل والطبقة الاخيرة لوز.
وانا تندير المونطاج تنحاول تكون اكبر كمية من الحشو في الجوانب لانها هي اكتر بلاصة تتكال في البسطيلة
تم تنغلف كامل البسطيلة بالورقة المدهونة ونحاول نلصقها مزيان من الجوانب باصفر البيض او الدقيق مخلط مع الماء وندخلها طيب من التحت تم نزلها تحمر من الفوق، ثم تنزولها من المول بمساعدة الورق اللي فرشت تنوضعها في طبسيل التقديم ونسحب ببطء الورق وهكدا تنتفادا نهائيا ان البسطيلة تتكسر او تفسد في المنظر ديالها وتنزينها ( التزيين حسب الذوق )
انا هنا ملي سقيتها بالعسل زينت الجوانب باللوز ايفيلي والوسط باعشاش من الورقة المتبقية وعجين اللوز على شكل بيضات
بدون مبالغة هاد البسطيلة تتجي رائعة المنظر وراقية وتتحمر الوجه قدام الضياف.
اللي جرباتها وعجباتها تخلي لينا الرأي ديالها.

بسطيلة راقية ديال الدجاج بالعسل الحر وكريمة البغاليني بدون سكر

 

بسطيلة راقية ديال الدجاج بالعسل الحر وكريمة البغاليني بدون سكر

 

بسطيلة راقية ديال الدجاج بالعسل الحر وكريمة البغاليني بدون سكر

 

بسطيلة راقية ديال الدجاج بالعسل الحر وكريمة البغاليني بدون سكر

 

بسطيلة راقية ديال الدجاج بالعسل الحر وكريمة البغاليني بدون سكر

 

بسطيلة راقية ديال الدجاج بالعسل الحر وكريمة البغاليني بدون سكر

 

بسطيلة راقية ديال الدجاج بالعسل الحر وكريمة البغاليني بدون سكر

 

بسطيلة راقية ديال الدجاج بالعسل الحر وكريمة البغاليني بدون سكر
قد يعجبك ايضا
اترك تعليقا