جبت ليكم واحد البيتزا فحال ديال المطاعم…جربوها و ردو عليا الخبار

العجين كندير فورص ملح خميرة قبصة سنيدة و معلقة زيت بلدية . كنعجنها بالماء دافي و تكون مرخووووفة كتلسق في اليدين و نخليها تخمر مزياااان

للصلصة

كندير مطيشة ديال الحك بصلة محكوكة سنينة ثوم محكوكة ملح ابزار زيت بلدية و زعتر محكوك و شوية ديال الماء و نخليها طيب شوية حتى تبدة تنشف و نطفي عليها . الحشوة كندير دجاج مسلوق في الماء و الملح ابزار . او كفتة مشحرة او فواكه البحر . على حسب اختياركم . فلفلة خضرة زيتون كحل و فرماج . و الطريقة باينة في الصور . يا طيبيها في الفران يا طيبيها في المقلة و منين تحطي الفرماج كتكفي على المقلة شي غطى و العافية تكون مهييييييلة
و العجينة باش تصدق ليكم رطبة . خاصكم ترقوها مزيااان باش كتجي فحال ديال الزنقة . و بصحتكم .