جبت ليكم واحد السر باش كيجي البطبوط محمر من جميع الجهات و خفييف احسن من ديال المخبزات
المقادير
زلافة كيلو فينو
زلافة كيلو دقيق
خميرة الخبز حسب الجو
الدقيق حسب الخليط
الملح
معلقة كبيرة سنيدة
الطريقة :
كنخلطو العناصر مع بعضياتها مزيان انجمعوها بالماء دافئ اندلكوه مزيااااااااااااان خاص العجينة تكون مرخوفة كتلصق فاليدين
قد يعجبك أيضا
من بعد مكندلكوه كنديروه فالكوكوط انديرولها الصفارة انخليوه اخمر ساعة
انكرصوهم كريصات صغار انخليوهم اخمرو
انبداو نخبزو فيهم اندهنو بالزبدة الا بغينا هدا اختياري
ملي نكونو نخبزو والسر باش اجي محمر ملي نكونو نخبزو فالبطبوط الا بان لينا تنفخ كنديرو فوقو شي سربيتة فوقها كاميلة او كاسرولة باش يتحمر
