جبت ليكم طريقة تحضير الكريم كراميل ساهلة و اقتصادية و الأهم كتوجد فربع ساعة

جبت ليكم طريقة نحضير الكريم كراميل ساهلة و اقتصادية و الاهم كتوجد فربع ساعة

اييه فربع ساعة  لا اكتر و لا اقل المهم كنوجدو الكريم كراميل ديالنا و الوصفة كالتالي:

نصف لتر حليب + 4 معالق سكر + 3 بيضات + سكر ڤاني + قطرات ديال روح الڤاني + كراميل

كنصواب الكراميل كندير مقدار ديال السكر و شوييية ديال الماء كنخليه حتى يولي كراميل و نكبه فكويسات

كنطرب البيض مع السكر و الڤاني و روح الفاني و كنزيد عليهم الحليب مغلي و نفرقو فالكويسات

و طريقة هاد الكريم كراميل انه كيطيب فبان ماغي ولكن ماشي فالفرن كيطيب فوق العافية و كيعطي نفس نتيجة الفرن كندير مقلة او كسرونة … كنعمرها بالماء و نردها تغلى كنغطي الكويسات بالاليمنيوم و نحطهم فيها و نحسب ليهم ساعة الا ربع حتى لساعة على عافية متوسطة و نحل على وحيدة ادا شفتها باقية جارية نخليهم حتى يشدو مزيان نحيدهم و نخليهم يبردو شوية

و ندخلهم للتلاجة حتى يبردو

و السر فسرعة الطياب هي انه كنغطي الكل بورق اليمنيوم و من الفوق بغطاء الكوكوت او اي غطاء متوفر عندكم كنحسب ليها ربع ساعة
و ها لفلان واجد

جبت ليكم طريقة تحضير الكريم كراميل ساهلة و اقتصادية و الأهم كتوجد فربع ساعة

قد يعجبك ايضا
اترك تعليقا