جبت لك طريقة ساهلة ماهلكة ترجع المرحاض كيشعل بلا عذاب

السلام عليكم ورحمة الله وبركاته

صباح الخير عليكم البنات

شفت بزاف الاخوات عندهم مشكل في المرحاض- الطواليط- بيت الماء-وووو كل واحد أشنو كيقول ليه أعزكم الله

أن لونها تغير والزليج صفار ووووو

وحتى حنا وقع لينا نفس المشكل من بعد عرس خويا ولات حالتها ومقداش فيها جافيل والتيد

ونصحاتنا واحد السيدة الله يجازيها بخير بهاد الطريقة

وصراحة صراحة كانت النتيجة مدهلة بلا كثرت الحكان

ولكن أين المشكل

المشكل أن هذه المادة خطيرة شوية لا ماشي شوية بزاف

المهم أنا نقول ليكم الطريقة وربي لي شاهد أنها هي لي نفعاتنا

المقادير

قفاز ضروري منو
4/1 كأس ماء قاطع
1 كاس كبير ماء
سيتة رطبة

الطريقة

كتاخدي الماء قاطع وكديريه في غراف الماء وكتمسحي بيه الأماكن لي صفرا وكتخليه لمدة دقيقة

ومن بعد تحكي البلاصة الصفرا وشوفي النتيجة وردي علية الخبار

والله حتى مجرباها

نصيحة: عنداك يقرب ليك الماء قاطع لملابسك ولا لجسدك ضروري من القفازات وملي تكملي من القرعة خبيها على الاطفال في بلاصة بعيدة

اللهم إني قد بلغت