جبت لكم وصفة سحرية كانت عطاتهالي ماما كتخرج الملايات والحوايج لي مينفع معاهم جافيل تيشعلوووووو

السلام عليكم حبيباتي

من بعد الشتا لي دازت والشميسة لي خرجات وشقشقات

المرا خاصها تغسل الفراش ياكم وانا مسافرة قلت نعطيكم هاد الوصفة السحرية

كانت عطتهالي الوالدة ديالي وفعلا جيدة جيدا باش منين نرجع نلقاكم غسلتوه ههههههههههه

المهم انا كل ليلة تنشد ملاية تنرقدها فالماء الصابون البلدي

تصدقو اه الصابون البلدي داك البني اللون راه 6 دراهم الكيلو

نهار تاني منبن تبغي تصبنيها ركشيها برجليك فدغيا تتخرج زيديها 1 الغسلة ديال المسحوق الغسيل

من بعد منين تشليها مزيان وباش تضمني الرائحة المزيانة غتستعملي 1 شمبوان تيتباع ب 10 دراهم او 13 درهم

قرعة كبيرة شلي هاكا اتخرج الملاية تتشعل وفنفس الوقت رييحتها فنة

والله الى هادشي راه مجرب اما دكائي وعجزي خلاني نجربها تالملابس لي متيخرجوش فنفس الوقت

مايصلحلهومش جافيل لههههههههههادا هو الكادو فعلا تيخرجو روووعة

اوا نرجع نلقا كلشي تيشعل اه نهار تاني راه تيخرج الصابون البلدي من الملاية بحال لحليب موسخ ههههههه ماتخلعوش

قد يعجبك ايضا
اترك تعليقا