تنظيف خشب البلاكار بالزيت النباتي و الليمون للحفاظ عليه و على لمعانه
باش تمسحي العود اي عود بلاكرات ديال المطبخ مجورة ديال المطبخ + كتنقيهم وكتخليهم المعو وهادي قريتها لواحد الاخت من واحد المنتدى الله اجازيها بالخير وجربتها وفعلا كانت النتيجة بهراتني ووليت مداومة عليها فيما نغسل الميعنات ونخمل الكوزينة ونمسح البوطاغاز كنمسح العود ديال البلكرات
المقادير
هي زيت رومية + قطرات من الحامض + خل
تخلطي المكونات ومسحي العود ديالك
الحامض مترميوش منبعد متعصروه حتافضو بيه او فنهار لي تغسلو دجاجة او تعملو الحوت كتستعملو الحامض اوا فداك النهار قطري داك نصوص الحامض لي عصرتي وزيديه فالخليط ومسحي العود
نتمنى تستافدو كيف استافدت انا والله يجازي كل اخت فادتنا بتجاريبها
اه نسيت واحد الاضافة عمركم تلوحو اوراق الجورنال لالالالا انا كنشدهم ونجمعهم ونطويهم مني نبغي نمسح المرايات ديال الحمام او المرايات كنستعمل السبراي المعطر لي كيمسح الزجاج انا كيجيبو خويا من الخارج غزال كنرش ونمسح الزجاج بالجورنال مزياااان كيولي غزال احسن من الفوطة كتخلي الخملة.