تفرجت فواحد الحلقة من صباحيات دوزيم وشفت الطريقة الصحيحة لغسل الملابس باش نتفاداو الأمراض الجلدية

باشوليداتنا ميجيهمش لكزيما او الحساسة كنحاولو نختارو افضل مسحوق ونقلبو على افضل طريقة نغسلو بيها حوايجهم وفي نسو الوقت نحافضو عليهم

انا كنت كنصبن بالتيد العادي ملي تزاد ولكن مسكين جاتو حساسية في لحمو ماشي من التيد ولكن تزاد هاكاك واضطرين نبدل الطريقة
شديت صابونة ديال الكف حكيتها في الحكاكة ودرت عليها الماء طايب تاولا عجينة بحال اوني هو باش كنصبن

ولكن

ريحتهم كتولي خانزة مكنحملش ريحة ديال صابونة الكف

تفرجت فواحد الحلقة من صباحيات 2م دارو فيها مسحوق لملابس الاطفال نفس الطريقة لي درت وزادت عليها معلقة ديال بيكاربونات الصودا باش يولي فعال اكثر + قطرات من زيت عطرية باش تولي فيه ريحة زوينة وممكن اضافة حتى زيت الجلسرين تاهية كتخليه فعال

وهادا مسحوق اقتصادي وامن لغسل ملابس الاطفال وكتبقى الريحة زوينة