تعرفي على أسرار لذة الطياب من قلب مطبخ الحادكات المغربيات
اليك مجموعة من أسرار الطبخ لمغربيات حادكات و متولات:
فاش نبغي نطيب المرقة أو أي حاجة تبغي البصل حتى الحريرة تا نحك بصيلة صغيرة في الحكاكة الغليضة نيشان في صفاية ونعصرها من الماء نهائي عاد نطيب بيه، هذا تا يخلي المرق خاتر وما يجيش مارج، وتا يحيد الزفورية ديال البصل
تنغلب المعدنوس على القزبور و تندير تومة بزايد هي لي تتحيد الزفورة فالطياب و كذلك دييييما البصلة محكوكة متنحملهاش طروف كبار و ايضا تنغلب زيت العود على الرومية و ملي نبغي نمرق تنمرق بماء يكون شوية سخون ماشي بزاااف و ملي يطيب طيابي يا لالة نخليه يتشحر مزيان ماشي يكون تيعوم فلبيسين و هدا مكان
كيفما كان الطاجين باللحم او الدجاج او الخضر تنفرش الجزر هوا الاول عاد نحط اللحوم (باش ميتحرقش اللحم) و تنستف الخضر و عاد نتكب عليهم شوية الزيت رومية ( تقريبا 2 معالق كبار) من بعد تنكب عليهم زلافة مخلطة فيها العطرية و نصف كاس صغير ماء و تنطيب الطاجين على عافية مهيلة و مرة مرة نراقب الماء باش ميتحرقش فالاخير تنزيد شوية زيت الزيتون و رشيشة معدنوس و بالصحة و الهنا
الكيك الا بغيتو يبقى لكم مدة طويلة و يبقى هشيش زيدي فيه قطرات من الخل
الربيع الا كنتي اديريه في الفريكو نقيه و غسليه و ديريه في شبيكة تاينشف مزيان عاد قطعيه كتبقى ريحتو و لونو فحال عاد مقطع
باش تجيك مريقة د اللحم بالبرقوق زوينة و لذيذة تا اخر لحظة و زيدي شوية سنيدة
الربيع الا كنتي اديريه في الفريكو نقيه و غسليه و ديريه في شبيكة تاينشف مزيان عاد قطعيه كتبقى ريحتو و لونو فحال عاد مقطع
باش تجيك مريقة د اللحم بالبرقوق زوينة و لذيذة تا اخر لحظة و زيدي شوية سنيدة
قد يعجبك أيضا
من كنبغي نصايب الكيك بالفواكه الجافة وشكلاط مقطع كندير الفواكه الجافة فشي زلافة ونزيد عليها جوج معالق دقيق كنمرمدهم كنغربلهم من الدقيق
كنزيدهم فوق الكيك وهاكدا كيبقاو فالوسط الكيك مكيهبطوش تحت
كنزيدهم فوق الكيك وهاكدا كيبقاو فالوسط الكيك مكيهبطوش تحت
انا السر ديالي فالحريرة ههههه ملي كطيب ونبغي نطفي عليها كنزيد شوية ديال القزبر والمعدنوس ولكرافص اللي كنت ناقصاهم من قبل ونحركها شوية ونطفي.كتجي رااائعة وكلشي كتعجبهم .حريرتي حرييرة ههههه
فاش كنعجن الخبز كنخلط كلشي بدون خميرة كنغطيه ونخليه يرتاح في قصرية حتى نكمل جميع الدار عاد نذوب لخميرة مع شوية سكر نفرغ لما في قصرية ونعطيها 2 ضربات هههه بلى تمارة بلى دليك بلى صداع راس ونعاود نخليها 10 دقائق ونكرص كيجي كيف الشهدة
باش صدر دجاج المحمر ديال مناسبات يجيك رطب وشارب لعطرية ماشي بيض ومزلق ههههه كنهز جلدة ونفلحو 2 فلحات بالسكين وندخل فيهم العطرية وحامض ونرجع جلدة باش يبقى مشدود ونخليه يرقاد ممكن طيبيه في ساعتو وشوفو على بنة غادي يجي شارب فحال مرقده سيمانة hhhh
وشحال غادين يشكروه
سر اخر لدجاج المناسبات بلي تغسلي دجاج وتخليه يتسقطر قبل ما ترقديه بالعطرية وربيع غادة تطحني حبيبات كمون ضروري يكون عاد طحنتية عصري عليهم شوية حامض ومليحة وحكيه على دجاج مزيآآآان من داخل خليه شوية عاد ديري لعطرية غادين تشوفو على تزنزينة ههههه غادة تبقى فمك بلي تاكليه كلشي غادي يتسط عليه اييييييه يتسط بالبنة ديالو هههههه
باش مريقتك تجي لديدة وتاكلي عليها صبيعاتك وطيبيها فاش ماكان يا طاجين يا طنجرة ياكوكوت قطعي البصلة رقيقة زيدي عليها ملح ولخرقوم وزيت خليها تتقلى مزيآآآن عاد زيدي لقسم الله لحم او دجاج وخليهم يتقلو حتى تدبل لبصلة ويتغير لونها و يبدا يطرطق زيت عاد زيدي عطرية وتومة وربيع وزيدي لما مباشرة خليها تغلى ورمي خضيرتك وتلدي بالرويحة ههههه وبالصحة والعافية