تشهيتي شي طويجين بالقوق وكتعكزك تنقيته وكيرجع يديك كوحل؟؟ جبت لك طريقة ساهلة باش تنقيه وبلا عذاب

سلام حبيباتي

اليوم جيت نشارك معاكم واحد الطريقة تهنيكم من عذاب تنقية القوق  ونتمنى تعجبكم

أنا كنكره انقي القوق حيت كا ياخد الوقت و يكحل اليدين و يكثر الوراق ديالو حاشاكم….. طاحت علي فكرة مرة و هرست لي راسي ههههه، قلت فراسي علاش مانجربهاش….. جربتها وصدقات، ففكرت نفيدكم كيفما نتوم كتفيدوني…..

الفكرة هي :
جيبي القوق بزاف زولي غير الورقات اللي الفوق3 و لا 4 وقطعي بموس ماضي النص ديال الوراق من القدام و خلي المؤخرة -القلب د القوق- مكسوة بالوراق. ديريهم في بانيو مملوء بالماء و خليهم مدة حتى يزول منهم التراب ثم ديريهم يتسلقوا فالماء مدة 10 د مع قطرة الخل أو قطعة حامض او يتبخروا -ما خصهمش يطيبوا بزا خص يبقاوا شوية قابطين- وملي يبردوا زولي الأوراق بسهولة غير بصباعك وماغيكحالو لا صباعك ولا القلوب. من بعد ديري القلوب في بلاطو و دخليهم يجمدوا في المجمد ثم جمعيهم في بلاستيك وملي تبغي، جبدي و ديري في الطبخة ديالك بلا محاين. وأراك للطجين القوق معمر بالكفتة و الروز مممممم .

إوا كي جاتكم الفكرة؟؟ نتمنى تكون واضحة و تجربوها .