تشقق لك الطاجين؟؟ متلوحيهش ها شنو ديري به
السلام عليكم حبيباتي بغيت نفيدكم بواحد القضية ديال تشقق الطاجين وكيفاش تتعاملي مه بمجموعة ديال الأفكار
المجربة أكيد من مجموعة ديال الأخوات
يلا تشقق ليك الطاجين مترميهش وإنما درليه الخاتم ماشي فالدار راه كاينين محلات متخصصة فهاذ المجال ولا غلا على مسكين وغادي ادوز خير
الله بالاضافة للمنظر الزويون
وهاذ الخاتم هو بحال الخويتم لكنديروه لتييو ديال بوطاكاز و كاينين طواجن كايتباعو فيهم راه ضاير بالطاجين بحال السلك
وكاين طريقة أخرى هي غادي تاخدي بياض بيضة طربيه شويا وبداي دهني به الشق بالشيتة من برا ومن الداخل ودوزيه على العافية حتى يبان ليك الشق عمر راه مجربة ومن داك النهار ونا كنطيب فيه ما وقع ليه والو
ممكن عزيزتي دوزي عليه واحد الكوش ديال بصلانة بيضاء من التحت وتجربيه في الطياب ولكان شي موشكيل حتافضي به ملي ديري الكسكس حطي فيه كيجي مزيان حسن من الطبسيل