تحمار الدجاج بطريقتي..يا سلام على اللون واللذة

الدجاج المحمر كيعجبني فهاد اللون الاحمر ما كيعجبنيش يبقى فلونه الأصفر :

ولهذا باش يجي لونه أحمر + اللذة المتميزة

فإليكم طريقتي :

نحتاج الى شيتة ديال الصباغة

مخصصة لهذا الغرض فقط

كتباع عند الدروكري ب 7 دراهم

ثم الخلطة اللي كتخلي الدجاج لذييييذ ولونه احمر

زلافة فيها :

زيت الزيتون

مركز الطماطم

سمن

شوية هريسة

(غير شوية باش تعطي اللذة وما تعطي الحرور)

نخلطوا كلشي مزيااااااان

ونحطوا الدجاج الطايب فلاطة مزيتة

ونبداو ندهنوا الدجاج بالشيتة والخليط من كل الجوانب

لا ننسى اسفلها باش يجي اللون متناسق

ثم ندخلوها للفرن واجد من قبل سخووووووون مزيان

ونخليوها تتحمر ونردوا البال باش ما تحرقش

هذه طريقتي بالتفصيل مراعاة للمبتدئات