تحرقاتلي المقلاة و ضاعت حتى جربت واحد الطريقة بحال السحر…بلا فريك بلا عذاب رجعات كتشعل

في حالة تحرقات ليك المقلاة وحرتي ومعرفتيش اشنو ديري ليها واخا حكيتها حتى عييت وما بانش فيها ، وبقات آثار الحريق فيها ، ما عليك غير بهاد الخلطة السحرية لي جربتها انا وعطاتني نتيجة متوقعتهاش .

خذي شوية ديال كوكا كولا وكوبيها في المقلاة وخليها فيها مدة ليلة كاملة وفي الصباح فركيها بالحلفة ديال السلك لي كنستعملوها عادة في ازالة  بقايا الحروق من الاواني، وبسهولة غادي يتحيد كلشي وترجع المقلاة ديالك ضاوية تشعل بالنقاوة ، وهذا كيرجع لبعض المواد لي موجودين فالمشروبات الغازية خاصة كوكا كولا لي كتفتت بقايا الحروق في الاواني.