تجربتي في علاج البواسير والإمساك والجرح الشرجي بـ 5 دراهم في المنزل وبدون طبيب

السلام عليكم
بإختصار غنحكي ليكم قصتي مع مرض البواسير أو الجرح الشرجي حيت ماشخص حالتي دكتور..
المهم جاني هاد المرض بعد الولادة مباشرة..وهو عبارة عن إمساك خفيف مع جرح في المنطقة وسيلان دم -أعزكم الله-
وصفت حالتي لدكتور صيدلاني فأعطاني بعض الادوية كسيور ضد الإمساك و قويلبات وبومادة ولكن معملولي والو غير كيسالي السيرو كترجع الحالة أكثر من الأول..
جربت الثوم – الزيت الزيتون- السمن الحر- وحتى زيت الخشب- و واااااااااااالو
حتى بقالي حل واحد والحمد لله -أحمد الله كثييييييييييييييييرا على فضله …
وهو زريعة الكثان شريت غير 5 دراهم نقيتها وحمرتها شويييييييييييييييية وبقيت فينما نشوف لقرعة قدامي ناكل منها مغيرفة والله إلى الكرش تعوطات ومبقاوش البواسير ولله الحمد ..مع العلم أنه كرشي ماشي كانت قاصحة أي ماشي سبب الألم إمساك مزمن لا ..كانو بواسير ..
والحمد لله بريت على هاد زريعة الكثان…
وملاحظة زريعة الكثان مكتتغسلش حيت كتلساق مع بعضها…
ومتحمروهاش بزاف غير باش تبغي تتمضغلك لأنك لحمرتيها بزاف كيمشي مفعول ديالها..
وأسأل الله أن يشفي جميع مرضى المسلمين
ولي كتعاني فحالي من هاد المرض تجرب زريعة الكتان وإن شاء الله غترد عليا بلي برات..
أنا باقية كنكلها حيت مفيدة ومكتضرش فحال السيرو..

في أمان الله