تجربتي في تبييض الوجه…وصفات من عمق الطبيعة

اخواتي الغاليات قريت فالموقع كثير من لاوصفات للبشرة و احب الى قلبي الطبيعية
و انا هادي مدة و انا تنستعمل وصفة طبيعية حتى هي و الحمد لله اولا و بفضل ما خلقه الله فالطبيعة من خيرات بشرتي راضية عنها و لله الحمد
انا منذ مراهقتي عمري دابا 35 سنة و انا كنت الى كليت بطيخ ولا خوخ و لا مشماش و دلاح الي طان اي ماء ديال شي فاكهة تنطليه او حتى الى كنت تنقي الخضرة بحال مطيشة و خيزو تنمسح وجهي بالماء الي تيلصق فيدي منهم و الحمد لله

بشرتي كانت صافية و ماجانيش حب الشباب و لله الحمد
** كما انني و لحد الساعة تنستعمل الفول و الحمص و الروز و النشا او الدقيق الفورض و تنخلطهم في غالب الاحيان بماء الورد و تندهن بهم وجهي لمدة حتى 45 د وعاد تنغسلو و ندهنو بماء الورد و الحمد لله بشرتي صافية بفضل الله
** و مؤخرا وليت تنزيد عليهم شوية ديال لخميرة و تندهن بها وجهي ما عدا الانف حيت هي تتنفخ و الى زادت نفخات لي نفي غادي و لي خيزوية راه اصلا طويل ما عندي فين نزيد
هاذي بالتفصيل وصفاتي و ما عمرها دارت لي شي اثار جانبية و لله الحمد اضعها بين ايدكم و ارجو دعاوتكم لي بالتيسير