تجربتي الناجحة 100 في 100 مع شعري الذي صار طويلا، لامعا و كثيفا

حبيباتي ليوم بغيت نقل ليكم تجريبتي مع زيوت رائعة بمعنى الكلمة لتطويل الشعر وتكثيفه ولمعانه كيف كتعرفو مع الولادة ورضاعة كيبدا الشعر يتساقط وكذلك مع هموم الحياة مبقات حتى زغبة شادة بلاصتها والحمد لله ملي بديت ندير هاد الزيوت شعري رجع لطبيعتو وأحسن من الأول منطولش عليكم الزيوت هي /

** زيت الزيتون فوائده ” ينعم ويقلل تساقط الشعر

** زيت الخرواع فوائده ” كثافة الشعر ووقف التساقط واختفاء التقصف

** زيت الأزير “ما يسمى بزيت اكليل الجبل في الدول الأخرىفوائده ينعم ويرطب ويكثف ويسود ويطول الشعر

** زيت اللوز الحلو فوائده ” تغذية وتقوية الشعر ومنع تساقطه

 

pppppppppp

الطريقة 

كناخدو ملعقة كبيرة أو ملعقتين من كل صنف أي من كل زيت كناخدو نفس الكمية وكنخلطوهم في شي قرعة كتسد ونمخضوهم مزيان حتى يندامجو مزيان وملي تبغي تعومي خودي شوية الزيت ودهني بيه ايديك وبأطراف الأصابع أأكد أطراف الأصابع ماشي ايديك كاملة غير أطراف الأصابع بداي ديري حركات دائرية لفروة الشعر أي جلدة تاع شعرك كاملة باش تنشطي الدورة الدموية وتحفزي بصيلات الشعر على النمو ومن بعد دهني شعرك كامل غير شوية ماشي تغرقيه ونزلي لتحت تاع شعر ودهني أطراف شعر من لتحت مزيان وهادي مسألة مهمة علاش باش شعرك ميبقاش محروق وزغبة مديرش 2 تاع روس كنتمنا تكنو فهمتو قصدي حيت هادي هي الطريقة الصحيحة لدهن الشعر حسب خبراء الشعر وملي تسالي خودي فوطة وديريها في الماء سخون ولفي بها شعرك لمدة ساعة ومن بعد غسليه عادي حتى لهنا مزيان دبا أنا وأعود بالله من قول أنا أش كنزيد على هاد شي ملي كنغسل شعري مزيان وكنسالي وهو باقي فازك كنعاود نفس العملية ولكن خفيفة جدا وكنخلي شعري ينشف بوحدو ونغطيه هاد شي بنسبة للمحتجبات أما الأخوات لكيمشيو لصالون مفيها باس نصحوهم ملي تغسلي شعرك من الزيوت وتكوني غادا ديري شوشوار متعوديش لعملية حتى تسالي شوشوار لأن شوشوار كيقتل زغبة وهي مدهونة حتى تكملي عاد عودي العملية وبصحتكم شعر أنيق يا أنيقات. نخليكم مع الصور كنتمنا تاخدو نفس الماركة والله حتى هي لي مزيانة راني معندي حتى صلة بهوم الى تقولو هادي حاطة على نفس الشركة شوفو الصور

كنتمنا نكون وفقت في توصيل تجربتي وتستافدو منها

سأضيف معلومة مهمة ديروها في روسكم لا علاقة لها بالموضوع ولكن ضروري تعرفو بحال هاد الأشياء الى ربما تصادفو شي حالة بحالها وتكونو عارفين كيفاش تصرفو غادا نوريكم زيت مهم وهو زيت اليانسون حنا كنسميوه زيت حبة حلاوة عندو فوائد كثيرة ومن بين هاد الفوائد ” فعال فى علاج القمل والسيبان ” متستغربوش حيت مازال كاين لقمل والله حتى واحد الأخت جابتو بنتها من المؤسسة خاصة ياحصرة كنتمنا تقلبو شعر وليداتكم وديرو هاد المعلومة في روسكم . شوفو الصورة تاعو

 

hhhhhhhhh

شريفة ام عبدو اناقة مغربية

 

 

قد يعجبك ايضا
اترك تعليقا