تجربتي الناجحة لوصفة رجعات لي وجهي مراية….لي شافني كيتصدم…فعلا النتيجة قمر 14!!!

لبنات كنت قريت وصفة لي كتبات عروس الشتاء لي شافني دابة كنصدمو كيقولو لي وجهك ولا مرايا كيشعل
الوصفة هي ماسك و كوماج في نفس الوقت
الوصفة هي
الخيار تحكيه وتصفيه و تاخدي الما ديالو ديريه في مكعبات التلج و دخليه فريكو باش يجمد
دنون مسوس يكون منتهي تاريخ الصلاحية
نيدو
روز مطحون
النشا
نخلط الكل و ندخلوه التلاجة باش يبرد
ملي نخرجوه نستعملو ك كوماج نخد منو شوية ندير قشرة رقية و نخليه شوية يشد راسو ونكوميه بصبعاني باش نزولو خلاية الميتة
و من بعد نديروه كا ماسك و تكون طبقة غليضة و كنخليه تا يقساح و نفرتو من بعد نغسل وجهي و دوز عليه مكعب تلج
ومن بعد نشف وجهي ملي ديريه متهدريش بقاي نعسا
الوصفة كما كتبات الأخت ستعمليها كوماج 2 مرات في الأسبوع و كا ماسك 3 مرات في الأسبوع وداكشي لي درت وليت كندير مرة ماسك كوماج و المرة لي تابعاها كنديرو ماسك بوحدو المرة لي تبعاها كنديرو كاسك و كوماج و ماسك و هاكاك غادة وملي كنكون خارجة لشمس كندير واقي الشمس
والنتيجة بهرتني هاد الماسك جبد لي وجهي ولات بشرتي مشدودة و تا أتار لحبوب لي كانو فيا مبقاوش و المسام الواسعة لي كانو فيا تجمعو صدقي وجهي ولا مرايا عروس الشتاء عندها الحق فعلا النتيجة قمر 14 الله يرحم لها الولدين