تجربتي الشخصية كيفاش علمت طفلي ينعس بوحدو بلا ما نعس حداه

نزولا عند طلب الاخوات العزاز نزلت هاد الموضوع انطلاقا من تجربتي الشخصية في كيفاش تنعسي ولدك غير بوحدو بلا ماتنعسي حداه
اولا قبل ماتوصلي لهدا المرحلة كننصح كل الامهات الجدد لي عاد ولدو انهم مايولفوش ولادهم عادة انهم انعسو ولادهم إما في يديههم و انت كاتراري به او انك تنعسي حداه حتى انعس عاد تنوضو لا في الاول فاش ادزاد و اجي وقت النعاس حطيه من يدك و في بلاصتو و اخليه اتعلم انعس بحدو و ديري علامة باش غير اشوفها او اسمعها اعرف بلي هادا وقت النعاس اما نونوغس او اغنية خاصة للنعاس انا كنفضل اغنية ( كانغني هاديك ديال براعم هههههه دابا ولادي فاش اكونو طالعين انعسو هههه طالعين و كيغنيوها لراسهم هههههه المهم هاكا كاتفاداي انك توقعي في مشكل و اصعاب عليك تحديها ليهم
اما لي بحالي و غلطو و اعلمو ولادهم ماينعسو ادا مانعسنا حداهم فكلشي عندو الحل غير خاص شرط مهمممممم انك ماتراجعيش ادا بديتي كملي و إلا غادي تفسدي كلشي و واخا تبغي تعاودي ولدك ماغاديش اتيق بيك يعني لابد من الصرامة و الحزم ادا كنتي قادة اما ادا كنتي ماتستحمليش بكا وليدك هههههههه كانصحك بلاش و صبري حتى يعفو عليك الله
ندوزو للتطبيق
اول نهار ادا كان ولدك كيفهم الهضرة علميه بللي صافي نت كبرتي و ماما ماغاديش تبقا تنعس معاك غادي تنعس بوحدك و اختار شي لعبة كاتعجبك هي لي غادي تبقا تنعس معاك
اما ادا كان ولدك مازال صغير اما ختاري ليه شي نونوغس و مادجبديش إلا في وقت النعاس باش اولف غير اشوفو اعرف بلي هدا وقت النعاس او اغنية هادئة تغنيها ليه و تحطيه في بلاصتو و خرجي و سدي الباب ( من الحسن تكون غرفة خاصة به ) اكيد ماغاديش اتقبل سواء كان صغير او كبير و غادي ابكي بكاء هستيري و هنا كانطلب منك الصصصصصصصصصصصبر
ادا كان ولدك صغير ادا ماغاديش اقدر اخرج من الكونة و غادي ابكي حتى يعيا و انعس
اما ادا كان كبير غادي انوض وخرج هنا غادي تهزيه وبلا ماتهضري نهآآآآئي و حطيه في بلاصتو بوسيه و خرجي و سدي الباب و غادي اخرج تاني و تالت و رابع حتى افقد الامل و نتي غري كاتهزيه و تحطيه في بلاصتو بلا هضرة
في اليوم الاول غادي ابكيو كان كبير او صغير من 20 حتى 30 دقيقة ( ه ولدي بكا النهار الاول 35 دقيقة ههههه حطم الرقم القياسي )
و في الايوم التاني غادي انقس ب 10 دقايق تقريبا و النهار التالت نفس الشيء و غير اشوف النونوغس او اسمع الاغنية غادي افهم ( باش تعرفي بلي ولدك تبارك الله عليه دكي ) و ماغاديش ابغي اشدو و ابدا البكا في ديك الساعة المهم انك تكوني صارمة و تكملي
عندك الصبر من 4 ايام للاسبوع صإفي ولدك غادي اولف (  ولدي ديما محطم الرقم ماولف على 11 يوم  كنت كانخدم السبيراتور باش مانسمعوش ههه)
هآدي هي الطريقة لي درت ولدي اما بنتي فمن اول ايامها ماعمرني نعستها في يدي او نعست معاها الولد الاول هو لي تعلمت فيه و فيه درت كل الاخطاء

نصإئح باش تعاونك على المهمة
الفياق بكري و لاسييست ماتعداش ساعة و نص و تكون حتى هي بكري ماشي حتى لعشية و ادا كان فايت العام غير حيديها ليه على الاقل في الايام الاولى باش تعاونك انه اكون متعب و اكون فيه النعاس اصلا

بساعة قبل موعد النعاس وجديه انك تنقصي من كل الاصوات و من الحسن طفيها و نقصي الاضواء و بداي تهضري معاه غير بشويا و من الاحسن ادا الولد كبير قراي ليه قصة بصوت خآآآآفت
تأكدي من ليكوش ديالو و بلي حتي حاجة ماكاضرو باش تكوني مطمئنة ان بكاؤو فقط لرفضو انه انعس بحدو

كنتمنى بموضدوعي نكون فدتكم و نستاهل شي دعوة لاهل بيتي