تبريمة خطيييييرة وماسك كنعملهم لوجهي كيعطيو ترطيب و نضارة وشد للوجه

اخواتي العزيزات السلام عليكم ،ليوم ان شاء الله غادي نقدم ليكم هاد 2 وصفات روعة فترطيب البشرة،كيخليو البشرة مشدودة وناعمة ونضرة .

مكونات التبريمة او الكوماج:

لفت مصلوق فماء معدني

فرماجة

حليب مجفف

طريقة التحضير والاستعمال:

ناخدو طرف صغير من اللفتة نمعسوها مزيان،من بعد نضيفو الفرماجة ونخلطو المزيج مزيان ثم نضيفو معلقة معمراش حليب مجفف،نخلطو الخليط كامل حتى تتجانس المكونات مع بعضها.

نشدو كمية ونوزعوها على كامل الوجه تكون طبقة رقيييقة باش ينشف دغيا،بعد ذلك نعملو حركات دائرية للوجه حتى تتقشر الطبقة .

هاد الوصفة نستعملوها 3 او 4مرات فالسيمانة.

مكونات الماسك:

ياغورت طبيعي

مايزينة

الطريقة:

ناخذو ملعقة من دانون طبيعي وملعقة مايزينة نخلطو الخليط مزيان ونوضعوه على الوجه ببانسو،نخليوو ٍ[ع ساعة ونغسلوه بالصابون الخاص لي كنستعملو لوجهنا وندهنو بكريم مرطب.