تبريمة الأخت لطيفة خطيييرة فتبييض و ترطيب وتعطير الجسم مكاتخطانيش فالحمام

السلام لبنات هاني عاود تاني جيتكم بطقووس الحمام ديالي ..نهار للي كيكون عندي فيه الحمام كيكون مميز كنسالي شغل بالزربة باش نتفرغ ليهم نطحن ونخلط ونجمع في لاتروسة خخخخ وليني لي يشوف كوزينتي كيقول هادي كتبيع العشوب مشي طباخة خخخخ
المهم شحال فيا قوة الهضرة يا لطيف ولكن مللي نويت نمشي للحمام هادي يومين جاتني الفكرة نفيدكم حتى انا بهاد الوصفة الرائعة للي كتبيض وتوحد لون البشرة بالاضافة لهد الشيء ستحصلين على بشرة ناعمة ومشرقة

المكونات لاستعمالين
كتاخدي
تبريمة الأخت لطيفة خطيييرة فتبييض و ترطيب وتعطير الجسم مكاتخطانيش فالحمام

-معلقة ريحان اه على الريحان كيفكري بواحد الوصفة كنديرها في بداية الصيف كتحيد زفورة ديال العرق من جسمك وتبقى ريحتك طيبة وخا الصهد

-ملعقة عرعار ما يفكرني بوالو هه غي بلحريق ديال المصران خخخ الله ينجيكم

-معلقة زعتر

-معلقة ازير

-معلقة سانوج

-معلقة خزامة

معلقة ورد بلدي

معلقة حناء عامرة مزيان

نصف حامضة

2 خنيشات صابون البلدي

تبريمة الأخت لطيفة خطيييرة فتبييض و ترطيب وتعطير الجسم مكاتخطانيش فالحمام

كتاخدي الاعشاف كلها تطحنيها مزيان بلا ما تغربليها غير طحنيها مزيان وهزي منها معلقة كبيرة فقط

تبريمة الأخت لطيفة خطيييرة فتبييض و ترطيب وتعطير الجسم مكاتخطانيش فالحمام

ضيفي ليها الحناء والصابون البلدي اما الحامض خليه حتى تدخلي للحمام وعصري معلقة صغيرة مثلا وجمعي الكل بماء ساخن
ودهني جسمك مزيان واراك للرائحة الطيبة

بقاي بيها احد 5 دقائق في سخون وشللي واستعملي الكيس ومتنسايش ترحميني فاش تخرجي

مللي نبغي نصاوب كمية كبيرة ونحتفظ بها في الثلاجة ها هي المقادير
ولكن نحيد الحناء والحامض حتى لوقت الاستعمال

صورتها ليكم بالمدكرة ديالي ولكن مديروش على الخط غي الزربة وما دير ههه
تبريمة الأخت لطيفة خطيييرة فتبييض و ترطيب وتعطير الجسم مكاتخطانيش فالحمام

قد يعجبك ايضا
اترك تعليقا