بنة الغنمي في الكسكس والطويجنات وبلا لحم الغنمي وبلا ضامة الغنمي..فكرة حيرت زوجي وأولادي

السلام عليكم ورحمة الله
الى ما عندك اللحم الغنمي ممكن الحصول على البنة ديالو فالطعام

بلا بيه وبلا ضامة البنة ديال الغنمي

و هو إظافة كمية متوسطة ديال شحمة الغنمي عند الطبخ

( تقريبا حجم بيضة كبيرة )

كيجي الاكل لذييييييييذ تماما بحال لذة الغنمي ولو يكون اللحم بقري

واحد نهار طلب مني زوجي نحضر ليه الكسكس

ومشى ياخذ لنفسه فترة من الراحة

ملي مشيت للثلاجة ما لقيتش فيها اللحم

و الكسكس ضرووووووري يكون فيه اللحم باش يجي بنين

لقيت فقط الشحمة فالفريكو

ما بغيتش نزعج راحتو وعاد يخرج يجيب اللحم ..الخ

وقررت نطيب الكسكس بلا لحم غير بالشحمة

وقلت في نفسي منها تجربة واللي ليها ليها

وشحاااااااااال جا هداك الكسكسو بنيييييييين

تقول مطيباه باللحم الغنمي

ومن هداك نهار وانا كنزيد طرف ديال الشحمة فالمرق ديال اللحم

الشحمة كتطلق بنتها و كيجي الطياب فيه بنة الغنمي أكثر من البقري

وعند وضع الاكل ما تحطيش الشحمة ويتفضح سرّك

الشحمة كتدار حتى فكفتة ديال السردين وكتجي روعة