بلمسة بسيطة ما تبقاي عارفة راسك واش هاذي دارك و لا جردة من كثرة الريحة المنعشة لي فيها

هاد الوصفة هائلة جربوها على ضمانتي اكيد غادي تعجبكم خصوصا الى

كانو جايين عندك الضياف و هي بسيطة بزاف و في المتناول تخلي ليك الدار معطرة و كانك في الحديقة ماشي في الدار العطر الفضل عندك رشي بيه البولات للي في الدار كلهم ديري بحال غير سمعتها هزيت الكرسي و درت على الدار كلها رشيت البولات كلهم بشرط يا اما باليل من للي ينعس كلشي او لا في الصباح من للي يكونو مطفيين من بعد من للي كتشعليهم مادام البولة كتسخن و هي كتطلق الريحة

و زيدي كمليها بالفاني ايه الفاني حطي شوية منو على المزهريات و على الديكورات للي فوق التلفزة و للي في الحائط مع البرد تيبقى طالق الريحة و انتما عارفين ريحة الفاني شحال غزالة ما نحتاج نقولكم

صدقوني ريحة دارك كتصبح احسن من ريحة الحدائق و للي دخل عندك يبقى يشمشم و السر انت للي عارفاه و بصحتكم

جربوها و ردو عليا الخبار

نتمنى تعجبكم الى عجباتكم ادعيو معايا بشي حجة هاد العام