بلا ما تشري الكسكو اجي نعلمك كيفاش تصاوبيه وكيجي بنين متشبعيش منو

المقادير

انتم جربوا رابعة السميدة
الماء
الطحين

قبل كل شئ كوني موجدة الكسكاس والبرمة عامرة بالماء المغلي لتفوار الكسكسو
نضع السميدة فالخلاط 4 ملاعق انا الي استعملته هو كاس براون وضيف عليه 2 معلقة الماء وعينك ميزانك اذا بدات تتكور السميدة مزيان او اذا شفتيها ناشفة زيدية متخافيش منين تحسيها تكورات او الماء زايد بداي تحطي الطحين معلقة وشغلي الخلاط وطلي عليه اذا شفتيه باقي متكورش مزيان او الكور كبيرة زيدي الطحين وخلطي اتا يولي بالشكل ديال كسكو وحتى اذا تعجنت لك السميدة معليك غير تزيدي الطحين وطحني اتا اتقاد ومباشرة حطيه فالكسكاس وغطيه وكرري العملية اتا تكملي الكمية السميدة الي عندك

الكمية الي صيبتيها من الكسكسو جطيها فالكسكاس حطيها اتبخر اتا تكملي على البخار فوق النار ربع ساعة مغطي اتا يتفور ومن بعد انزله يبرد ومنين يبرد انرد اندوزه فمولينكس باش تحيد التكوار الي فيه ايوة وحطيه فالفريكو او نشفيه فالشمش مزيان اتا يقصاح وخزنيه بحالي الي كيديروا الجمعيات وممكن تضيفي عليه العشوب ناشفة بحال الزعتر او السالمية للبرد ومنين تبغي اطيبي الكسكسو طيبيه بحال الكسكسو الي كتشريه من السوق

ممكن تجربوا مولينكس انا صراحة مجربتهاش ولكن احتمال تنجح الفكرة

انا استعملت الخلاط الكبير