بكاء دعاء اليحياوي و زهيرة صديق خلف الكواليس بسبب مشهد العرس

تقاسمت الفنانة دعاء اليحياوي مع متابعيها مؤخرا مجموعة من الصور خلف كواليس أغنيتها الجديد”BADAD” ،كما عبرت عن فرحتها بمشاركة الفنانة زهيرة صديق التصوير في دور ابنتها لعدة مرات لكن غلبتها الدموع هذه المرة لكون المشهد يتعلق بزفاف الابنة و هو الشيء الذي يثير حزن دعاء اليحياوي و يذكرها بوالدتها المتوفية و كيف ستفتقدها يوم زفافها الحقيقي.
رافقت الصورة التي ظهرت فيها برفقة الفنانة زهيرة صديق بالتدوينة التالية:

“رسالة من القلب اول شخص جاني فبالي انه يجسد دور الأم ديالي ( المتوفية ) فل فيديو كليب كان هو الممثلة القديرة و الصديقة الغالية زهيرة صديق ، علماً أنها للمرة الثالثة على التوالي الفنانة زهيرة كتجسد دور الأم ديالي فل الأعمال الفنية .

ماشي من طبعي اني نتكلم فهاد الموضوع، و من ديما كنبغي نشارك معكم غير الحاجات الإجابية و الزوينة .

هاد المشهد بضبط كان صعيب عليا بزاف ، اه بكيت فيه من قلبي لأنه من ديما كنتفكر هاد النهار لي جاي واحد نهار و لي غادي نكون فيه عروسة بلا ماتشوفني ماما و لا توقف معيا توجد معيا لعرسي تفرح بيا و تشوف بنتها عروسة .

الحمد لله تحرمت من كلمت ماما و تحرمت من أجمل حاجة فدنيا لي هي الام . و لكن كنأمن بقوة انه الام ديالي فبلاصة زوينة بزاااااف و اهم حاجة هي فخورة بيا .

لأي شخص يتيم الام بحالي كنبغي نقولكم ربي معنا ماشي ساهلة ، و لأي شخص الام ديالو عايشة تهلاو فيها حيت الام اعظم كنز فدنيا .

شكرا بابا لأنك كنتي معيا فهاد المشهد و درتي اي حاجة باش منحسش بنقص، شكرا الفنانة الغالية زهيرة صديق انك خليتيني نعاود نعيش شوية احساس عندي ماما مرة خرة ، و دموعك غالين . شكرا للفريق ديالى على الحب و الطاقة الإجابية لي عطيتوني باش نصور هاد المشهد .
الله يرحمك ماما ماريا و جميع اموات المسلمين يارب. و الحمد الله ”