بغيت نتشارك معاكم زيت الثومة لي كنصايب غير بالقشور كيجي رائع فالماكلة ومع الزيتون

السلام عليكم البنات ليوم جيت نتقاسم معاكم هاد الفكرة الاقتصادية لي كنعمل كتنفعني بزااف ملي تقادالي ثومة، شوفو كيفاش كنصايب زيت الثومة فقط بالقشور …كيجي رائع فالماكلة ومع الزيتون

الى بغيتي تقتاصدي و تصايبي زيت الثومه ،هادوك القشور اللي كتنقيهم من الثومه عنداك ترميهم
خليهم و ديريهم في قرعه و ديري عليهم الزيت البلديه من الاحسن والى مكانتش ديري الروميه و فينما قشرتي الثومه زيديهم فهاديك القرعه و سديها و غتشوفي الزيت كيداير و تولي تنصبي بيها او تخويها على الزيتون مللي تبغي تحطيه،نتمنى تعجبكم الفكرة وتجربوها.