بغيتي شعر مسبسب حرير بعد كل غسلة بلا سيشوار بلا كوافورة؟؟ إوا شوفي ليا هاذ الوصفة وردي عليا الخبار..كلشي قدام عينيك

سلام حبيباتي كيف راكم نتمنى تكونو على خير

انا حاسة بالبنات حيت براسي بنوتة وكنعاني تقريبا من نفس المشاكل لي كيعانيو منها جميع البنات

أي وحدة فينا ندخلو ليها لمخيخ ديالها غنلقاوها كتحلم بشعر صحي وطويل ويكون كيف الحرير بلا سيشوار بلا ضياع الفلوس عند الكوافورة

كاين هادشي ولا لا البنات ؟؟ وي وي عارفة عارفة داكشي لاش جبت ليكم واحد مولاتي وصفة أكثر من رائعة المقادير ديالها موجودين فكل دار مغتخسري  والو من جيبك ..

أوكي بلا منزيد نطول عليكم غتاخدي بيضة كاملة وديريها فشي طويسة وتزيدي عليها معلقة ديال زيت الخروع وملعقة ديال زيت الزيتون ولي مكتبغيش ريحة ديال البيض تبقى فشعرها تزيد فالوصفة نقيطة ديال زيت الورد للتعطير، هاذ الكمية لي قلت ليكم ممكن تضاعفيها على حساب طول والكثافة ديال شعرك .

غتخلطي هاذ المكونات مع بعضها مزيااان حتى تحصلي على ماسك متجانس وتديريه لشعرك وخليه لمدة ساعتين ومن بعد غسليه بشكل عادي.

دابة اراك للخدمة

مين ينشف شعرك شوية دهنيه بالسيروم ديالك وفرقيه الفرقة ديال الباتشا وحزمي راسك بفولار وباتي بيها ليلة كاملة وفالصباح بدلي الفرقة للجهة المعاكسة وشوفي السوالف كيف غتولي شعر حرير مطلقووووق بلا حرارة بلا تضياع الفلوس.

شوفي هاذ الفيديو باش تعرفي الطريقة الصحيحة ديال الباتشا بالنسبة للناس لي مكيعرفولهاش وتشوفي بعينيك كيف خرج ليها شعرها حرير.