بغيتي تصاوبي الزبدة البلدية الحقيقية على حقها وطريقها دخلي راك مغتشبعيش من لذتها

السلام غزالاتي

اليوم جبت ليكم طريقة ساهلة وبسيطة باش تصيبي الزبدة البلدية بيديداتك كاتجي فنة فالمذاق متشبعيش منها

كتجيبي يا لالة  الحليب ديال لعبار وتديريه فكاسرونة أو شي اناء يكون فمو واسع

وتخلي الحليب فالتلاجة حتى يدير لفرارة الى جبتيه الصباح خليه حتى لعشية

و ملي تلقاي طبقة ديال لفرارة حيديها وديريها فشي قرعة واخ تهزي معاها الحليب ماشي مشكل

وتبقاي كل مرة ديري نفس الطريقة حتى تعمري القرعة بالفرارة

و من بعد قبطيها وخليها برا التلاجة حتى تروب واحد يومين أو 3 أيام عاد مخضي لفرارة بحال اللبن

راه ملي تمخضيها غادي تصفى ليك الزبدة لفوق واللبن لتحت وها الزبدة البلدية الحقيقية واجدة

وما نساوش الحليب لي بقى فالكاسرونة طيبيه وديري بيه قهيوة وهانتي ضربتي 3 عصافير بحجرة واحدة

شربتي الحليب وكليتي زبيدة بلدية وشربتي لبينة

وهاد الطريقة كتصلاح مع الحليب ديال العبار ديال البقر

قد يعجبك ايضا
اترك تعليقا