بعض المرات تيشيط لينا السمك مقلي او طايب في الفرن دخلي نقولك اش ديري ليه

بعض المرات تيشيط لينا السمك مقلي او طايب في الفرن او ….

و لكن اتكلم عن السمك الابيض.

ما تلوحيهش نقيه مزيان من الشوك و الجلدة و فرتتيه.

سلقي بطاطا و معسيها و هي سخونة.

نسميها بالربيع مقطع رقيق و زيدي عليها بيضة و السمك و الملح و ابزار ،

و شوية ديال الفرماج محكوك او كيري او ما شابه وثويمة لي بغاها.

اصنعي كويات و غمسيهم في الدقيق ثم البيض ثم شابلور و قليهم.

او دخليهم للفرن .

عند التقديم رافقيهم بصلصة المايونيز مطلوقة بعصير الحامض و المعدنوس او الثوم القصبي.

و هكذا حتى حاجة ما ضيع.

و الاطفال كيعجبهوم الجديد.

ممكن اختي تنسمي البطاطس بزعيترة كذلك كتجي ممتازة

و عوض ما تكوريهم طلقي الخليط بالدلاك او بيديك و قطعيهم مربعات.

بالصحة..