بعد نجاحها بمعدل عال في الصين الفنان رشيد الوالي يوجه رسالة لزوجته

تقاسم الفنان رشيد الوالي كعادته فرحه و امتنانه بمناسبة نجاح زوجته في المادة التي اجتازتها مؤخرا في جامعة شنهاي بالصين و التي نجحت فيها بمعدل عال كما جاء على لسانه في رسالة كتبها في تدوينة على حسابه انستغرام.
و لم يفوت الفرصة لشكر زوجته على سفرهما معا الى كوريا و اليابان ،كما شكر جميع أفراد أسرته الذين قاموا بتعويضعها و الاعتناء بوالدة زوجته .
كما اعتذر من متابعيه الذين يحبون سماع مدحه لزوجته و نصحهم بعدم اكمال قراءة الرسالة:

” عارف هاذ لكلام مغاديش يعجب البعض وعليها كنقول ليهم متكملوش لقراية ديال هاد الشي وآسف . حيت غادي نشكر زوجتي ههه .فشكرا ابتسام لأنك كنتي مصرة ودرتي المستحيل باش نلتقي فكوريا ونسافر ايضا لليابان . انا اللي كنت مشغول بزاف ومرهق من السفر المستمر ديالي لأوروبا. ولكن بالنسبة ليك كان تاريخ النصف من شهر غشت مهم لأنه كيصادف عيد زواجنا . ومشيت وانا فقط باغي دموعك متنزلش وبغيت نفرحك وخا السفر مرهق عشرون ساعة طيران . ولكني ملي شفتك فرحانة كطفلة صغيرة نسيت كل التعب . ومن بعد رتاحيت نفسيا وبدنيا .حتى السكر ديالي كان مقاد وكترة المشي نعفني والجوع ايضا نفعني لأنني فين ما مشيت ناكل كنلقاهم دايرين الحلوف .ومع ذلك عمرني متقلقت…شكرا لانك كتحلمي بزااف وكتدفعيني بحلمك نعيش حوايج زوينين وكأنني عاشق جديد . ولأن هاذ العشق الجديد كيعاون شعلة العلاقة والمودة والرحمة تبقا مشغولة. الحمد لله على كل النعم وعلى ابتسامتي زعمة انت .
بلا مننسى كل من ساعدني في السفر وسهل عليا كل المراحل اولهم يوسف ابرام ترافل والناس اللي كانوا معانا فالرحلة الرائعة. ولبنات اللي ساعدو ماماك المريضة وابنائي سليم وآدم .وأخي الحسين اللي قابلو البيت وعمروه بروحهم الطيبة .
وقبل منسالي كنخبر كل من شجع ابتسام فالدراسة ديالها انها نجحات فالمادة اللي خداتها فالصين وجابت معدل رائع .
إن يعلم الله في قلوبكم خيرا يؤتكم خيرا.”