بعد اصابته بفيروس كورونا خديجة الصادقي تكشف جديد الحالة الصحية لزوجها

بعد أن أعلنت التيكتوكر خديجة الصادقي عن اصابة زوجها بفيروس كورونا الذي زاد الطين بلة ،خرجت مساء أمس بمنشور جديد بعد أن توصلت بالعديد من الرسائل و التساؤلات حول الحالة الصحية لهشام.
حيث قالت أنه بعد خضوعه لفحص بالماسح الضوئي كشفت النتائج عن وجود العديد من الميكروبات و المياه المترسبة في الجشم اضافة الى الفيروس الذي زاده تعبا و أرهق جسمه و رئتيه،و صرحت بأنها ممنوعة من رؤيته مطولا و البقاء معه الى في وقت الزيارة.
ورافقت التدوينة التي كتبتها بصورة لها بالكماة الطبية و عيونها تخبئ الكثير من الألم:

كاتسولو على هشام بزااااف الله يرحم ليكم الوليدين أنا غير بوحدي
كانمشي نشوفو وقت زيارة فاش كاتسالي كايخرجوني
دار سكانير البارح لقاو عندو الماء فالجسم ديالو بلا المكروبات او كورنا وهد المرض الخبيث وراكم عارفين هدرة الأطباء
[واش عارفة الخطورة الحالة الزوج ديالك]
نكدب عليكم مابقيتش كانسولهم على والو باش مايقولوش ليا نفس الهدرة عايشة نهار بنهارو كانطلب من الله يعطيني الصبر حيت ولا قلبي كايضرني بزاف معرفتش علاش ولا واقيلة عادي مع هد صدمات لي كانعيشها هنا بوحدي بعيد على عائلتي خوتي وصحابي يقدر هدشي رجعني قوية حيت مابقيتش كانقدر نبكي قدام شي واحد واخا يوقع لي بغا يوقع كانبقا نستغفر الله ونقول ياربي ياربي راه قلبي كايتحرق كون معايا عاوني …هدشي لي مخليني شهرين دابا وكتر عمرني ماخرجت ب فيديو وهدرة معاكم كانجرب ديما ولكن دموعي كايسبقوني …أنا كل ياقين فالله بلي غايحن فيا على هدشي لي كندوزو منو غادي يعوضني مابغيت حتى حاجة من الدنيا بغيت العوض يكون هشام بصحتو فقط هشام او هو بيخير أنا هشام هو ضاحك انا هشام هو بصحتو انا هشام كانشوفيه راسي وضحكتي وحياتي علاقتنا ماشي مجرد زواج عادي علاقتي ب هشام أنا العائلة بالنسبة ليه هو الروح والعمر والنور لي منور ليا حياتي دعيو معه بشفاء ودعيو معايا أنا حيت ربي رزقني بالزوج الصالح والطيب والخلوق او لي دايرني ثاج فوق راسو مابغيتش نخسرو ماقدرنش نعيش بلا بيه والحمد لله على كل حال سمحوليا طولت عليكم ربي لي عالم بيا وبحالتي ماحسيت براسي حتى لقيت راسي كانكتب ليكم من بعد ماقريت رسائل ديالكم ماكاتنساوناش نتوما راكم العائلة والله❤️