بعدما صور فيديو لسيارته الجديدة وهي تحترق في الطريق اتهامات لليوتيوبر أحمد حسن بحرق السيارة لجلب المشاهدة
آثار اليوتيوبر المصري أحمد حسن الجدل عبر مواقع التواصل الاجتماعي، بعد بثه فيديو مباشر عبر حسابه على فيسبوك يظهر سيارته وهي تحترق.
قال أحمد خلال البث المباشر، وهو يقف قرب سيارته التي تبلغ قيمتها “أكثر من مليون جنيه” حسب تعبيره، إنه شاهد أعمدة الدخان تخرج من السيارة أثناء تواجده وزوجته وابنته داخلها، مما دفعهم للخروج منها سريعا، وأضاف: “ربنا كتبلنا عمر جديد”.
وأبدى حسن استغرابه من حدوث الحريق خصوصا أنه اشترى السيارة من الشركة ولم يستخدمها إلا قليلا.
وعلق في صفحتهىالرسمية قائلا..
الحمد لله
الحمد لله على كل شي
اولا انا مش زعلان من اللى حصل لانوا فى الاول و الاخر قضاء و قدر و بحمد ربنا انى خرجت من العربيه انا و مراتى و بنتى سالمين غانمين لانى كل ما بشوف منظر العربيه بعد ما اتحرقت و اتخيل ان احنا لو كنا جواها و ملحقناش نخرج منها قبل متتحرق كان هيحصل لنا ايه قلبى بيوجعنى جدا
اللى حصل بالظبط كالتالى كنت راكب العربيه انا و زوجتى و بنتى و رايحين مشوار بليل فجاه بدون اى مقدمات العربيه تطلع دخان و عربيه ماشيه جنبنا تنبهنا بده فروحنا نازلين بسرعه من العربيه و بعدت مراتى و بنتى بعيد عن العربيه و فجاه قبل ماوصل للعربيه تانى عشان اجيب متعلقاتنا الموجوده فى العربيه الاقيها بتولع حاولنا نطفيها كتير لكن كل مكنا بنحاول نطفيها بالطفيات بتاعت الحريق النار كانت بتزيد اكتر لحد ما العربيه تفحمت بالكامل مع العلم ان العربيه لسه مشتريها من ٥ شهور بس و موديل ٢٠٢٠ و ماشيه ١٠ الاف كيلو بس و مش من شركه اى كلام دى عربيه مرسيدس cla 200 و تولع بينا و احنا ماشين فى الطريق انتوا متخيلين الشركات دى بتستهر باروحنا ازاى رغم انهم بيدعوا انهم بيحافظوا عليها بوسائل الامان اللى بتكون فى العربيه و مع العلم ايضا انى وصلتنى رسايل كتير من كذا شخص استخدم نفس الموديل ده من مرسيدس و حصلت معاه نفس المشكله بالظبط انتوا ازاى بتلعبوا بارواحنا كده .
و بعد مشوفت ان العربيه ضاعت منى خلاص و بقالها اكتر من نص ساعه النار مشتعله فيها و بعد متوصلنا مع المطافى و قالوا انهم فى الطريق و حاولنا كتير اننا نطفى العربيه و كانت بتزيد اكتر و النار بتكون اشد قررت اطلع لايف و اوثق اللى بيحصل ده و ان ازاى شركه بحجم مرسيدس تكون بتستهر بارواح عملائها بالشكل ده و ده اللايف اللى شوفتوه .
دلوقتى انا عايز حقى انا واحد طلع عينى سنين و حرمت نفسى من حاجات كتير عشان اشترى العربيه دى و بعد مجبها متكملش معايا ١٠ الاف كيلو و تولع لوحدها فيبقا لازم اطالب بحقى و فى ناس كتير بتبعتلى بتقولى انت زعلان ليه دى مجرد عربيه لا حضرتك لازم ازعل لان دى بالنسبالى مش مجرد عربيه دى حلم و تعبت كتير عشان احققه و بعد محققته راح منى بسبب شركه مستهتره حضرتك لو اشتريت موبيل و الشاشه بتاعته طقت لوحدها و اتشرخت منك تانى يوم هتكون حزين جدا و هتروح تبهدل الشركه اللى اشتريت منها التليفون مبالك بقا باللى حصل معايا .
Voir cette publication sur Instagram