بطاطا مقلية بشكل مغاير فالطريقة والبنة

بعد غسل البطاطا سلقيها فالكوكوت بقشورها

يعني كما هي ..

ومن الاحسن الكوكوت مقفولة باش دغيا تسلق

وإلا غدي تخسري الكثير من الوقت

بعد سلقها قشريها وقطعيها مكعبات متوسطة

وقليها في الزيت الساخن بوحدو

او زيت فات تقلات فيه :

الفلفلة

او البصل والثوم

او الكفتة

او الدجاج

او اللحم

او حتى السمك اذا بقي الزيت نظيفا

علاش ؟؟؟؟؟؟؟؟؟

لان البطاطا المسلوقة تتشرب نسمة الزيت اللي تقلات فيه

وتصير رائعة فالمذاق ومختلفة تماما عما إعتدناه

وتأخذ لونا ذهبيا يسحر العين

وهي موضوعة على المائدة ومفروش تحتها أوراق الخس

الى ما عندكش زيت فات مقلي فيها احد الانواع المذكورة

ممكن فقط تقطعي البصل على شكل هلال وتحكي الثومة ضرس او إثنين

في مقلاة بها زيت وديري شوية ملح وابزار وتقلي

البطاطا فهاد الخليط

البطاطا المسلوقة غدي تتشرب رائحة البصل والثوم المقليين

واللذة يا سلام لا تُقاوم سواء من الكبار او الصغار

ملاحظة

ضروري البطاطا تسلق بقشورها حيت كتحافظ على الكثير من بنتها

بالمقارنة الى تسلقات منقية

بالصحة والراحة