بسطيلة مخزنية بالدجاج والبيض واللوز من عند الشاف زينة سلوان

المكونات : 5000غ لوز مفسخ ومحمر ومهرمش ، مع ص قرفة ، القليل من المسكة الحرة ، الزهر والسكر حسب الذوق ، 2 دجاجات من وزن 2كلغ ، 1كلغ ونصف بصلة بيضاء مقطعة رقيق ، قبطة قزبر ومعدنوس مقطعة رقيق ، مع ص عامرة سكينجبير ، مع ص عامرة ابزار أبيض ، القليل من الملح ، مع ص عامرة خرقوم عرق مطحون ، عويدات قرفة ، كأس الا ربع زيت رومية ، 2مع ك عامرين زبدة ، مع ص عامرة زعفران شعرة وكأس ماء .

الطريقة :

في طنجرة نعملو العطرية كاملة والزيت والزبدة مع الدجاج والقزبر والمعدنوس و الماء ونخلي الدجاج يتقلى شوية مع التقلاب من تحت الفوق ثم نزيدو الماء ونزيدو عويدات القرفة البصلة ونشدو الكوكوط ونخليه يطيب حوالي ساعة ثم نحلو الطنجرة ونخليه يتشرب ونهزو الدجاج ونخليه يبرد شوية وتنقيه من العظيمات ونفرتتوه ونحطوه على جنب .
نأخذ المرق اللي عندنا ونزيدو فيه مع ص عامرة من القرفة و100 غ سكر سنيدة أو سكر بني أو العسل و4مع ك من ماء الزهر والقليل من المسكة الحرة ونخليه يشرب مزيان ، ثم نهزو 2 مغيرفات من المرق ونخويوها على الدجاج اللي فرتتنا ، نضيفو ليه 8 البيضات مطربين على المرق ونخليه حتى يطيب مزيان مع التحراك حتى يبقى فقط الزيت في المرق .
نخليو المرق يبرد ونخلطوه مع الدجاج .
نفرشو ورقة البسطيلة ثم نرشو باللوز مهرمش ثم طبقة من الدجاج ونسدو البسطيلة ديالنا ونحمروها في الفرن ونقدموها بالصحة والراحة.