بسطيلة بكفتة لاداند كتجي رائعة المذاق

المقادير

ورقة البسطيلة

كفتة بيبي

4 بصلات كبار مشلضين

ملح,ابزار

سكين جبير,زعفران

زبدة

معدنوس

1 ثوم محكوك

2 جزر محكوك

1 كنور نتاع الدجاج

سكر,قرفة

بيض

للتزيين:

لوز محمر ومطحون

عسل

الطريقة

كنوضعو البصلة في طنجرة مع الملح,ابزار,سكين جبيرنحكو1/2

كنور ,زعفران والزبدة وكنخليوها فوق عافية مهيلة مع التحريك

مرة مرة حتى تهبط البصلة وتطلق الماء

كنضيفولها المعدنوس

القرفة والسكر

والبيض ليجمع لينا البصلة وكنوضعوها في مصفاة ونخليوها تبرد

في مقلاة كنديرو الزبدة,الثوم وكفتة بيبي ونخليوها تشحر

ونضيفو الجزر ,ملح,ابزار سكين جبير ونصف كنور الباقي

ونخليوهم يتشحرو مزيان

ونضيفولهم المعدنوس ونوضعو الكفتة حتى هي تستقطر

كنفرشو ورقة البسطيلة في مول نكونو دهناه ونديرو طبقة من الكفتة ثم البصلة

وفي الاخير اللوز مطحون مع السكر ونلفو الجناب وحنا كنلصقو بالبيض

كندهنو البسطيلة بالبيض وكنوضعو طريفات من الز بدة على

الوجه وكندخلوها الفرن

عند التقديم كنزينوها بالعسل واللوز