بسطيلة بالكبدة و الخضر كتجي لذييذة
نقترح عليك سيدتي بسطيلة بالكبدة و الخضر كتجي لذيذة و سهلة التحضير
المقادير
500 غرام كبدة البقري حبة بصل مقطعة
3 جزرات صغيرة مبشور
3 قرع أخضر مبشور
فلفلة خضرا مقطعة
فلفلة حمرا مقطعة
معدنوس مفروم
فصين توم
التوابل :
كمون
ملح
فلفل أحمر حلو
ملعقتين هريسة او فلفل حار
زعتر
سكنجبير
ضامتين بقري
ربع حامض مصير مقطع
علبة فطر مقطع
200 غرام شعرية صينية
كمية من الزيتون أخضر مقطع
ورق البسطيلة
بيضة مخفوقة للصق
زيت
الطريقة :
في مقلاة نوضعو البصل مقطع والقليل من الزيت وفص توم محكوك ونقلي
في انا ء اخر نوضعو نشرملو الكبدة بملعقة كبيرة معدنوس وملعقة صغيرة كمون وفلفل وملح وفص ثوم وحامض مصير ونخليو يشرب
نبشر الخضر كلها ونضيفو الفلافل على البصل ونقليو حتى تدبل الفلافل ونضيفو الجزر ومن بعد القرع” الكرعة”
نخلطو ملعقتين طماطم مصبرة مع المعدنوس المقطع وضامتين البقر وجميع التوابل المدكورة ، نخلطو الكل بالقليل من الما ونتبلو بيها الخضر
في الاخير نضيفو الزيتون الاخضر لمقطع والفطر ونخلط الكل
ناخدو مقلاة ونضيفو فيها القليل من الزيت ونقليو شرائح الكبد لمشرمل ، نقطعوه مربعات صغيرة ونوضعوه جانبا
نرطبو الشعرية الصينية في الماء الساخن ، تم نقطعوها بمقص
في اناء كبير نخلط كل من خليط الخضر ، الكبد لمقطع ، والشعرية
ثم ندهن صينية للفرن بالزيت ونوزعو عليها ورق البسطيلة )
نوزعو الخليط على الورق ، ونضيفو الجبن المبشور تم نجمعو الورقة ونلصقو جوانبها كلها بالبيض
نغطيوها بورقتين من الفوق مع اللصق بالبيض
ندهنو البسطيلة بالزيت ونتقبوها بعود اسنان باش متنفخش
من بعد ندخلوها تطهى في الفرن وترش بالجبن ونعاود نرجعها باش يدوب الفرماج
وبالصحة والراحة حبيباتي