بسطيلة الوردة من عند الشاف ايمان

بالنسبة للطريقة كناخدو دجاجة و نزيدو عليها 5 بصلات مشلضين ثم السمن، سكنجبير، خرقوم، ملح و عود قرفة و نشحروها على هافية مهيلة بلا زيت و منين تشرب مزيان عاد نزيدو الما و منين يغلي شوية الزيت. وفي الأخير نزيدو زعفران شعرة.
نزولو الدجاج منين يطيب و نحايدو ليه العضام و نفرتتوه ثم المرق نزيدو معاه 5 حتى 6 البيضات مع التحريك.
ناخدو 300 غ لوز مسلوق و مقلي ونطحنوه مع السكر صقيل حسب الذوق.
نصففو الورقة فالمول ديال الفرن و ندهنوها بالزبدة ثم نوضعو الدجاج ثم البيض ثم اللوز و نبداو نجمعوها و بالجناب لي كايشيطو نحاولو نطويو على شكل مروحة ثم نقطعو شرائط طوال ديال الورقة و نلفوهم حول نفسهم باش نصاوبو الوريدات و ندهنوها بالزبدة و نطيبوها في الفرن و عند التقديم نزوقوها بالسكر صقيل و القرفة

ايمان ماستر شاف