بسبب مناهج التعليم و الدخول المدرسي رشيد الوالي يوبخ المسؤولين بلهجة شديدة

خرج الفنان القدير رشيد الوالي برسالة توبيخ حادة غبر حسابه انستغرام مرفوقة بصورة طفل يحمل محفظة تساوي ضعف حجمه،و هو يتساءل عن المهزلة التي وصل اليها التعليم بالمغرب مقارنة بالدول الأجنبية،حيث أشار الى العبث الذي يطال المناهج الدراسية التي تتغير كل سنة،و المحافظ المملوءة التي أتعبت كاهل التلاميذ،و أبدى تساؤلا استنكاريا للمسؤولين الذين اذا وضعوا في نفس وضعية الاباء كيف سيكون رد فعلهم،هل سيقدر أي واحد منهم على حمل الحقيبة المدرسية التي يحملها التلميذ.
و جاء في تدوينته كالتالي:

“والله كاين بعض المواقف كنحشم نتكلم فيها مع الاجانب .كنفتاخر بالكثير من الانجازات. ولكن كاين وخاصة في مجال التعليم اشياء مكنفهمهاش. كنتسائل واش مكتحشموش أيها المسؤولين . واش مفقلبكمش رحمة لولاد الشعب . علاش هاد الثقل وهاد الكتب المدرسية واللي كتتغير كل سنة تقريبا . علاش هاد الكره .مكفاكمش أن المواطن كيقيد ولادو فالمدرسة الخصوصية وهو مقهور ويزيدوه مشكل آخر . بأي حق . كيفاش كتنعسو . واش لو كان عندكم ولاد صغار تقبلو بهاد الشي . كنشعر أن هناك عصابات فزي ناس محترمين . زورو المدرسة وحاولوا تحملو أنتم المحفظة . هم صغار وفيهم قليل البنية والمريض . كل هادا غير معقول ويجب أن تقف هذه المهزلة . عار عليكم .غادي يجي النهار اللي غادي يخرجو الآباء للإحتجاج .وحينها لحساب غادي يكون على كل شيء . حشمتو بينا . وضيعتو وليدات المواطنين وغنيتو من ينتجون تلك الكتب بصفقات مشبوهة ومفضوحة . الله غالب .”