بزاف لي كيسخنو البغرير ويدهنوه ومنين كيجيو يقدموه كيبرد..ولكن مع هاذ الفكرة غيبقى سخون حتى لاخر وحدة

بزاف ديال السيدات كيسخنو البغرير ويدهنوه ولاكن للاسف ما كيجيو فين يقدموه حتى كيبرد

باش يبقى ليك البغرير سخون ديري بحالي

اولا وضعي صحن التقديم فالفران سخون وطافي طبعا

دوبي الزبدة والعسل، ثم سخني المقلاة مزيان.

سخني البغريرة الاولى وقلبيها للحظات باش تسخن مزيان حطيها فطبسيل

ثم دهنيها وسخني التانية وحطيها عليها ودهنيها تم التالتة والرابعة الى الاخيرة

دائما وحدة فوق وحدة ماشي وحدة حدى وحدة.راه هاكداك كيبرد.

ومرة مرة شعلي على خليط العسل والزبدة باش ما يبرد.

ومن الافضل تكون المقلاة كبيرة باش تسخني 3 او 4 فمرة وتربحي الوقت.

سيري سربي المائدة ديالك يعني الصينية ديال اتاي والمنيدلات ………

عاد جبدي صحن التقديم من الفران وستفي البغرير ديالك وعنداك تحرقي صبيعاتك راه كيكون سخون بزاف.

او هاكدا قدميه لضيوفك بالصحة والراحة راه كيبقى سخون لاخر وحدة.