برادي كحااال ورجع حاالتو …ولكن مع هاد الحيل لي جربت رجع جديد كيشعل

السلام عليكم ورحمة الله وبركاتة

أكيد كلنا كنعرفو أنه مع تعمار اتاي كيولي البراد المنظر ديالو كحل وخايب داكشي لاش جبت لكم عدة طرق باش تهناو من الكحولية بكل سهولة وبلا عذاب وغيرجع البراد كيشعل ويشقشق من النقاوة تقول عاد شريتيه.

الطريقة الأولى:

باش يتحيد ديك الكحولة ما عليك غي تعمريه بالماء وتزدي شوية جافيل وتخليه يغللا فوق البوطة
وتحيديه من بعد وبتدويزة خفيفة يروح السواد.

الطريقة الثانية  :

كنشد البراد كنفزكو و كنسقطرو و كنضيف ليه مسحوق التصبين انا كندير ليه اومو ناشف كيلصق فيه و كنخليه واحد المدة و كنغسلو من بعد،الا كان ديال اينوكس كندير ليه الحامض.

 الطريقة الثالثة :

ولي هي تنعمر الماء و نزيد جافيل و كنخليه كيرقاد لمدة ليلة كاملة و في الصباح عاد كنغسل لبراد بلا طبيخ و تيولي كيشعل.