بدلي شوية فطريقة قلي الفلفلة وجربي طريقتي..كتجي فالمنظر زوينة ولذيذة وسهلة في الأكل
قلي الفلفلة كما هي طريقة تقليدية قديمة وطلعات فرّاس
اجي نورّيكم طريقتي المفضلة والتي في الغالب انهجها
وهي جوج طرق :
* فلفلة شرائح بالطول
* فلفلة على شكل دوائر وحلقات
بالنسبة للفلفلة شرائح بالطول
قد يعجبك أيضا
كتفرقي الفلفة طولا على جوج
تحيدي منها الزريعة وكل شطر تقطعيه على اربعة طولا او ستة
وتدردري الملح وتخلطي مزيان وتقليهم وتردي البال ليهم في القلي
والفلفلة حلقات
كتحيدي ليها الراس اللي فيه الزريعة
والباقي تقطعيهم دواور على شكل حلقات مارقيقة السمك
ما غليضة .. والباقي نفس الطريقة المتبعة.
صدقوني كتجي فالمنظر زوينة ولذيذة وسهلة في الاكل
واحد نهار درتها لضيافي وشفت واحد الجيست من الضياف
بغيت نموت بالضحك ..شفت كل واحد كيجر الطبسيل من امام
الآخر ..ما حسّوش بيَ شفتهم 
وبصحتهم وبراحتهم ..وحتى نتوما بصحتكم ..وردوا علي لخبار..