بالمقادير مشاركة من صديقة الموقع..عراضة غزالة بسلطة الجردة واللحم بالمشماش
عزيزاتي متتبعات مجلة يالالة نقدم لكم هاد العراضة المتولة لصديقة الموقع والصفحة الاخت oum hiba تبارك الله عليها
مقادير السلطة
بطاطا وخيزو ولوبيا خضرة مبخرين،باربا مصلوقة،ارز مصلوق،ذرة،طون،مايونيز.
الصلصة:خل وملح وزيت المائدة +معدنوس مدقوق
للتزيين:سوريمي ،بيض السمان،زيتون اسود،مخلل طفل الذرة،خيار،خس.
الطبق الرئيسي:لحم البقري بالمشماش والبرقوق
3كيلو لحم،3بصلات مشلضين،قبطة صغيرة معدنوس،زيت،ملح،سكينجبير،خرقوم،ابزار،اعواد قرفة.
الطريقة
نعملو اللحم مع البصلة مشلضة و العطرية،ونخليوو يتشحر مزيان ونمرقو بكاس،نتركوه يطيب على خاطرو وعلى نار مهيلة.
ناخدو المشمش نغسلوه ونعملوه فكاسرول وقليل من الماء والسكر واعواد القرفة،ونخليوه يتعسل على على نار مهيلة،منين يطيب اللحم ناخدو قليل من المرق نضيفوه على المشمش ونخليوو يزيد يتعسل ويتنسم.
نفس الشيء نعملوه مع البرقوق،وبالنسبة للتزيين نزينو باللوز مهرمش.
مقادير المهلبية بنكهة الفاني والشكلاط
3 لتر حليب،مايزينا،1فاني،2 ساشي كاكاو،سنيدة.
للتزيين:فرمسيل الشكلاط واوريو.
الطريقة
ناخدو كاسرول نعملو فيه لتر ونصف حليب نضيفو عليه 6 ملاعق كبيرة مايزينة وكاس عنبة سكر والكاكاو،نعملوه فوق النار مع التحريك المستمر حتى يخثار ونخويوو فالكؤوس غير النصف ونتركوه يبرد شوية يشد راسو،ونكررو نفس الطريقة بنكهة الفاني نضيفو ساشي الفاني ونخويو فالكؤوس من بعد ميكون الخليط الاول شد راسو بطبيعة الحال ومنين نبغيو نقدموه نزينو بفرميسيل الشكلاط و الاوريو.
وبطبيعة الحال الخبز وطبق الفواكه
